“இனி ஒரு பைசா கூட திருட முடியாது… ஆன்லைன் மோசடியிலிருந்து உங்கள் பணத்தைக் காக்கும் ‘Kill Switch’ மேஜிக்.. டிஜிட்டல் உலகையே மாற்றப்போகும் RBI-யின் அசத்தல் அம்சம்”..!!

டிஜிட்டல் பரிவர்த்தனைகள் அதிகரித்துள்ள இன்றைய சூழலில், ‘டிஜிட்டல் அரெஸ்ட்’ உள்ளிட்ட ஆன்லைன் மோசடிகள் மூலம் இந்தியாவில் சுமார் 3,000 கோடி ரூபாய் வரை இழப்பு ஏற்பட்டுள்ளது மக்களைப் பெரும் அதிர்ச்சியில் ஆழ்த்தியுள்ளது. சிபிஐ அல்லது போலீஸ் அதிகாரிகள் போல நடித்து வீடியோ கால் மூலம் மிரட்டி லட்சக்கணக்கில் பணம் பறிக்கும் இத்தகைய ஆன்லைன் கொள்ளையர்களிடமிருந்து மக்களின் கடின உழைப்பைப் பாதுகாக்க, இந்திய ரிசர்வ் வங்கி (RBI) மற்றும் மத்திய அரசு இணைந்து ‘கில் ஸ்விட்ச்’ (Kill Switch) மற்றும் ‘ஸ்விட்ச் ஆன்/ஆஃப்’ ஆகிய புரட்சிகரமான புதிய பாதுகாப்பு அம்சங்களை அறிமுகப்படுத்தத் திட்டமிட்டுள்ளன.

இதில் ‘கில் ஸ்விட்ச்’ என்பது ரயிலில் உள்ள அவசரச் சங்கிலியைப் போன்றது; மொபைல் போன் தொலைந்தாலோ அல்லது வங்கிக் கணக்கில் ஏதேனும் சந்தேகத்திற்கிடமான நடவடிக்கை தெரிந்தாலோ, வாடிக்கையாளர்கள் மொபைல் ஆப்பில் உள்ள இந்த எமர்ஜென்சி பட்டனை அழுத்தி அடுத்த நொடியே தங்களின் கணக்கை முழுமையாக லாக் செய்துவிட முடியும். மற்றொரு அம்சமான ‘ஸ்விட்ச் ஆன்/ஆஃப்’ வசதி மூலம், வாடிக்கையாளர்கள் தங்களுக்குத் தேவையில்லாத நேரங்களிலோ அல்லது இரவு தூங்கும்போதோ தங்களின் UPI மற்றும் நெட் பேங்கிங் சேவைகளை தற்காலிகமாக ‘ஆஃப்’ செய்துவிட்டு, தேவைப்படும்போது மட்டும் மீண்டும் ‘ஆன்’ செய்து பயன்படுத்திக் கொள்ளலாம்.

இந்த அதிரடித் தொழில்நுட்ப வசதிகள் அமலுக்கு வந்தால், மோசடி நடந்த பிறகு வங்கி வாடிக்கையாளர்கள் கஸ்டமர் கேரை அழைத்து நீண்ட நேரம் காத்திருக்க வேண்டிய அவசியம் இருக்காது; தங்களின் பணத்தை அவர்களே உடனடியாகப் பாதுகாத்துக் கொள்ளும் முழு அதிகாரம் கிடைக்கும். தற்போது அனைத்து வங்கிகளின் மொபைல் ஆப்களிலும் இத்தொழில்நுட்பத்தை எப்படிச் செயல்படுத்துவது என்பது குறித்து ரிசர்வ் வங்கி தீவிரமாக ஆராய்ந்து வருகிறது. இந்த புதிய திட்டம் ஏழை மற்றும் நடுத்தர மக்களின் பணத்திற்கு 100% பாதுகாப்பை வழங்கி, டிஜிட்டல் பரிவர்த்தனைகள் மீதான நம்பிக்கையை மேலும் அதிகரிக்கும் என நிபுணர்கள் கருதுகின்றனர்.