இந்தியாவில் மத்திய மற்றும் மாநில அரசுகள் மாணவர்களுக்கு ஏராளமான கல்வி உதவி தொகைகளை வழங்கி வருகின்றது. ஆனால் பெரும்பாலான மாணவர்களுக்கு இது குறித்த சரியான விழிப்புணர்வு பெரிதாக இல்லை. சமூக பொருளாதார சூழலால் விளிம்பு நிலையில் இருக்கக்கூடிய குடும்பத்தை சேர்ந்த மாணவ மாணவிகள் அரசு வழங்கும் கல்வி உதவித்தொகைகள் பற்றி விழிப்புணர்வோடு இருப்பது கட்டாயம். அதன்படி மத்திய அரசு செயல்படுத்தி வரும் பிரதான் மந்திரி உச்சதர் ஷிக்ஷா என்ற கல்வி உதவித்தொகை திட்டத்தை பற்றி தெரிந்து கொள்ள வேண்டும். தற்போது 12 ஆம் வகுப்பு தேர்வு எழுதி முடிக்கும் மாணவர்கள் இந்த திட்டத்தின் கீழ் ஊக்கத்தொகைக்கு விண்ணப்பிக்கலாம்.
பிரதமர் உயர்கல்வி ஊக்கத்தொகை திட்டத்தை பொருத்தவரை வருடத்திற்கு பன்னிரண்டாயிரம் முதல் 20 ஆயிரம் ரூபாய் வரை மத்திய அரசு வழங்கி வருகின்றது. 18 முதல் 25 வயது உடைய மாணவர்கள் மட்டும் விண்ணப்பிக்க வேண்டும். குடும்ப ஆண்டு வருமானம் 4.5 லட்சத்திற்கு குறைவாக இருக்க வேண்டும். 10 ஆம் வகுப்பு மற்றும் பன்னிரண்டாம் வகுப்பு தேர்வுகளில் 80 சதவீத மதிப்பெண் பெற்றிருக்க வேண்டும். தொலைதூரக் கல்வி முறையில் பயின்றவர்கள் ஊக்கத்தொகைக்கு தகுதியற்றவர்கள்.
12 ஆம் வகுப்பு முடித்து இளங்கலை, முதுகலை மற்றும் ஒருங்கிணைந்த பட்டப்படிப்பு பயிலும் மாணவர்கள் மட்டுமே விண்ணப்பிக்க முடியும். அரசால் அங்கீகரிக்கப்பட்ட கல்லூரி அல்லது பல்கலைக்கழகங்களில் பயிலும் மாணவர்களுக்கு மட்டும் உதவித்தொகை கிடைக்கும். இடை நிற்கும் மாணவர்கள் அல்லது கல்வி நிறுவனத்தால் நீக்கம் செய்யப்படும் மாணவர்களுக்கு உடனடியாக உதவி தொகை நிறுத்தப்படும். இளங்கலை படிப்பில் சேரும் மாணவர்களுக்கு முதல் மூன்று ஆண்டுகளுக்கு தலா 12000 ரூபாய் உதவித்தொகை வழங்கப்படும்.
முதுகலை பட்டப்படிப்பு தொடர்பவர்களுக்கு தலா 20000 ரூபாய் ஊக்கத்தொகை இரண்டு ஆண்டுகளுக்கு வழங்கப்படும். பொறியியல் போன்ற நான்கு ஆண்டுகள் பட்டப்படிப்பு படிக்கும் மாணவர்கள் முதல் மூன்று ஆண்டுகளுக்கு தலா 12000 மற்றும் கடைசி ஆண்டுக்கு 20 ஆயிரம் ரூபாய் ஊக்கத்தொகை வழங்கப்படும். மாணவர் அல்லது மாணவியரின் பெயரில் தொடங்கப்பட்டுள்ள வங்கிக் கணக்கில் இந்த தொகை நேரடியாக வரவு வைக்கப்படும்.
இந்த திட்டத்தில் பயனுடைய வருமானச் சான்றிதழ், 12 ஆம் வகுப்பு மதிப்பெண் சான்றிதழ், வங்கி கணக்குடன் இணைக்கப்பட்ட ஆதார் அட்டை உள்ளிட்ட ஆவணங்கள் தேவைப்படும். விண்ணப்பிக்க அக்டோபர் 31 கடைசி நாள் ஆகும். இதற்கு தகுதி உள்ள மாணவ மாணவிகள் www.scholarships.gov.in என்ற இணையதளத்தில் உதவித்தொகைக்கு விண்ணப்பிக்கலாம் என தெரிவிக்கப்பட்டுள்ளது.
உத்தரப்பிரதேச மாநிலம் ஹாபூர் பகுதியில், வழக்கமான பரபரப்புடன் மக்கள் தங்கள் அன்றாடப் பணிகளில் ஈடுபட்டிருந்தனர். சாலையில் போக்குவரத்தும் பொதுமக்களின் நடமாட்டமும்…
வங்கிப் பணிகள் நடைபெறும் முக்கியமான வேலை நேரத்திலேயே, வாடிக்கையாளர்களுக்குச் சேவை செய்ய வேண்டிய பல இருக்கைகள் ஆளரவமின்றி வெறிச்சோடிக் கிடப்பது…
உத்தரப் பிரதேச மாநிலம் கான்பூரில், காதலன் தன்னைத் திருமணம் செய்துகொள்ள மறுத்ததால் ஆத்திரமடைந்த இளம் பெண் ஒருவர், நடுரோட்டில் சென்றுகொண்டிருந்த…
சமூக வலைதளங்களிலும் பொது இடங்களிலும் நடக்கும் இத்தகைய நிகழ்வுகள், நமது சமூகத்தின் மனநிலையையும் மனித உறவுகளின் சிக்கல்களையும் வெளிச்சம் போட்டுக்…
தீபாவளியின் இந்த அமாவாசை இருள் இரவில், வானத்தைக் கிழித்துக்கொண்டு வெடிக்கும் வண்ணப் பட்டாசுகளின் வெளிச்சம் ஒரு நொடி மின்னி மறைந்தபோது,…
சூரியபேட்டை மாவட்டம் நெரேடுசெர்லா பகுதியில் உள்ள காந்தி சிக்கன் சென்டர் முன்பு நிறுத்தப்பட்டிருந்த பொலிரோ வாகனத்திலிருந்து மர்ம நபர் ஒருவர்…