திருநெல்வேலி வி.எம். சத்திரத்தில் உள்ள ஒரு தேநீர்க் கடைக்காரர், சமையல் எரிவாயு சிலிண்டர் விலை உயர்வால் டீ மற்றும் காபியின் விலையை உயர்த்த வேண்டிய கட்டாயத்திற்குத் தள்ளப்பட்டுள்ளார். மார்ச் 16, 2026 முதல் ஒரு டீ 15 ரூபாய்க்கும், காபி 18 ரூபாய்க்கும் விற்பனை செய்யப்படும் என அவர் அறிவித்துள்ளார். விலை உயர்வால் வாடிக்கையாளர்கள் அதிருப்தி அடைவார்கள் என்பதை உணர்ந்த அவர், “விலையேற்றத்திற்கு நாங்கள் காரணமல்ல” என்ற வாசகத்துடன் ஒரு போஸ்டரை ஒட்டியுள்ளார்.
அந்த போஸ்டரில், “ஏற்கனவே புண்பட்டுப் போய் இருக்கிறோம்… கேள்வி கேட்டு மேலும் புண்படுத்தாதீங்க… சிலிண்டர் விலை கூடிப்போச்சு” எனத் தனது மனவேதனையை வெளிப்படுத்தியுள்ளார். சிலிண்டர் தட்டுப்பாடு மற்றும் விலை உயர்வு பொதுமக்களை மட்டுமல்லாது, அன்றாடப் பிழைப்பை நடத்தும் சிறு வியாபாரிகளையும் எவ்வளவு கடுமையாகப் பாதித்துள்ளது என்பதற்கு இந்தச் சம்பவம் ஒரு சான்றாக மாறியுள்ளது.