விஜய் எடுத்த அதிரடி முடிவு…. இடைத்தேர்தல் வேளையில் கழற்றி விடப்படும் 3 மூத்த அமைச்சர்கள்?…. பரபரப்பில் தவெக….!

தாராபுரம் மற்றும் மதுராந்தகம் தொகுதிகளுக்கான இடைத்தேர்தல் அக்டோபர் 6-ஆம் தேதி நடைபெறவுள்ள நிலையில், வாக்குப்பதிவு முடிவடையும் முன்னரே தமிழக வெற்றிக் கழகத்தில் அமைச்சரவை மாற்றம் குறித்தான விவாதங்கள் சூடுபிடித்துள்ளன. புதிய அமைச்சரவையில் யார் இணைவார்கள், யாருடைய பதவிகள் பறிபோகும் மற்றும் புதிதாகப் பொறுப்பேற்பவர்கள் யார் என்பது தொடர்பான சுவாரசியத் தகவல்கள் தொடர்ச்சியாக வெளியாகி வருகின்றன. இதன்படி, முதல்வர் விஜய் வசமுள்ள நகராட்சி நிர்வாகம் மற்றும் குடிநீர் வழங்கல் துறை அமைச்சர் ராஜ்மோகனிடம் ஒப்படைக்கப்பட உள்ளதாகவும், அதேவேளையில் அமைச்சர்கள் சரத், ஜெகதீஸ்வரி மற்றும் விஜய் பார்த்திபன் ஆகியோரின் பதவிகள் பறிக்கப்பட வாய்ப்புள்ளதாகவும் கூறப்படுகிறது.

அமைச்சரவை மாற்றத்தில் தென் மாவட்டங்களுக்கு முன்னுரிமை அளிக்கும் வகையில், மதுரையைச் சேர்ந்த சட்டமன்ற உறுப்பினருக்கு மீண்டும் அமைச்சர் பொறுப்பை வழங்க முதல்வர் விஜய் திட்டமிட்டுள்ளார். மக்கள் மன்றம் உருவாவதற்கு முன்பிருந்தே, அதாவது விஜய் ரசிகர் மன்றக் காலத்திலிருந்தே அவருடன் உறுதுணையாகப் பயணித்த கட்சி நிர்வாகிகளுக்கு முன்னுரிமை அளிக்க முடிவு செய்யப்பட்டுள்ளது. கட்சிக்காகத் தொடர்ந்து களப்பணியாற்றுபவர்கள் மற்றும் நீண்டகால விசுவாசிகளை ஓரங்கட்டிவிட்டு, மாற்றுக் கட்சியிலிருந்து வந்தவர்கள் ஆதிக்கம் செலுத்துவதை விஜய் விரும்பவில்லை என்பதால், இந்த சீரமைப்பு நடவடிக்கைகளின் மூலம் விசுவாசிகளுக்கு உரிய அங்கீகாரம் கிடைக்கக்கூடும் என எதிர்பார்க்கப்படுகிறது.