“நிலமும் போச்சு.. மானமும் போச்சா?”… இழப்பீடு கேட்டது ஒரு குத்தமா?… விவசாயியின் கழுத்தை நெரித்த போலீஸ்… கொந்தளிக்கும் கிராமம்…!!

தெலங்கானாவின் மஹபூப்நகர் மாவட்டம், ஜட்செர்லா மண்டலத்துக்கு உட்பட்ட உத்தண்டாபூர் கிராமத்தில் நீர்த்தேக்கத் திட்டத்திற்காக நரசிம்ஹுலு என்ற விவசாயியின் 1.28 ஏக்கர் நிலம் கையகப்படுத்தப்பட்டது. அதில் 20 குந்தா நிலத்திற்கான இழப்பீட்டுத் தொகை தமக்கு இன்னும் வழங்கப்படவில்லை என்று கூறி, அவர் அந்த நிலத்தில் பயிர் செய்ய முற்பட்டுள்ளார். அப்போது அங்குப் பணியில் இருந்த ஒப்பந்ததாரர் அளித்த புகாரின் பேரில் காவல் துறையினர் சம்பவ இடத்திற்கு விரைந்தனர்.

அங்கு வந்த காவல் உதவி ஆய்வாளர் மல்லீஷ், விவசாயி நரசிம்ஹுலுவிடம் விசாரணை நடத்துவதற்குப் பதிலாக, அவரது சட்டைக் கழுத்துப் பகுதியையும் கைகளையும் கொடூரமாகப் பிடித்து தரதரவென இழுத்துச் செல்ல முயன்றார். வாழ்வாதாரத்திற்காகப் போராடிய ஒரு எளிய விவசாயி மீது காவல்துறை அதிகாரி நிகழ்த்திய இந்த அத்துமீறிய தாக்குதல் அப்பகுதியில் பெரும் அதிர்ச்சியையும் பொதுமக்களிடையே கடும் கொந்தளிப்பையும் ஏற்படுத்தியுள்ளது.