சென்னையில் உள்ள உணவுப் பொருள் வழங்கல் மற்றும் நுகர்வோர் பாதுகாப்புத் துறையின் 19 மண்டல உதவி ஆணையாளர் அலுவலகங்களிலும், ஜூலை மாதத்திற்கான பொது விநியோகத் திட்ட (PDS) மக்கள் குறைதீர் முகாம் இன்று (சனிக்கிழமை) நடைபெறுகிறது. பொது விநியோகத் திட்டத்தின் பயன்களை குடிமக்கள் எவ்வித சிரமமுமின்றி எளிதில் பெறும் வகையில், தமிழ்நாடு முழுவதும் ஒவ்வொரு வட்டத்திலும் மாதந்தோறும் இத்தகைய முகாம்கள் நடத்தப்படும் என அரசு அறிவித்திருந்தது. அதன்படி, இன்று காலை 10:00 மணி முதல் பிற்பகல் 1:00 மணி வரை இந்த மக்கள் குறைதீர் முகாம் நடைபெற உள்ளதால், பொதுமக்கள் தங்களின் ரேஷன் கார்டு தொடர்பான தேவைகளுக்கு இதனைப் பயன்படுத்திக் கொள்ளலாம்.
இந்த முகாமில் குடும்ப அட்டைகளில் (Ration Cards) புதிய பெயர்களைச் சேர்த்தல், நீக்கம் செய்தல், முகவரி மாற்றம் மற்றும் கைபேசி எண் பதிவு அல்லது மாற்றம் செய்தல் போன்ற அத்தியாவசியச் சேவைகள் உடனுக்குடன் மேற்கொள்ளப்படும். மேலும், உடல்நலக் குறைவு அல்லது வயது முதிர்வு காரணமாக நியாய விலைக் கடைகளுக்கு நேரில் வர இயலாத மூத்த குடிமக்களுக்கு, தங்களுக்குப் பதிலாக வேறு நபர்களை அனுப்பிப் பொருட்களைப் பெற்றுக்கொள்வதற்கான “அங்கீகாரச் சான்று” வழங்கும் நடைமுறையும் இம்முகாமில் மேற்கொள்ளப்படும். இது தவிர, நியாய விலைக் கடைகளின் செயல்பாடுகள் மற்றும் நுகர்வோர் பாதுகாப்பு தொடர்பான புகார்களையும் பொதுமக்கள் இங்குத் தெரிவித்து விரைவான தீர்வைப் பெறலாம்.
கோலாப்பூர் – இச்சல்கரஞ்சி-கப்னூர் வழித்தடத்தில் உள்ள கப்னூர் சௌக் பகுதியில் அதிவேகமாக வந்த டாடா பஞ்ச் கார், முன்னால் சென்று…
உணவகத்தின் கலகலப்பான சத்தங்களுக்கு நடுவே, மேஜையின் நடுவில் வைக்கப்பட்டிருந்த ஹாட் பாட் பாத்திரம் மெல்லிய புகையுடன் கொதித்துக் கொண்டிருந்தது. தட்டிலிருந்த…
தலைநகர் டெல்லி மயூர் விஹார் பகுதியில் உள்ள தனியார் பள்ளியில் 3-ஆம் வகுப்பு படித்து வந்த 9 வயது சிறுமி…
கேரளாவில் வெளிநாட்டிலிருந்து சட்டவிரோதமாகக் கடத்தி வரப்பட்ட பல லட்சம் ரூபாய் மதிப்புள்ள தங்கத்தைக் கவர்ந்து செல்ல, பெண் ஒருவர் திரைப்பட…
உத்தரப் பிரதேச மாநிலம் புதௌன் மாவட்டத்தைச் சேர்ந்த கருலியா கிராமத்தைச் சேர்ந்தவர் ஏக்தா. ஏழு மாதக் கர்ப்பிணியாக இருந்த இவருக்குச்…
உத்தரப் பிரதேச மாநிலத்தில் 11-ஆம் வகுப்பு படித்துக் கொண்டிருந்த போதே காதலிப்பதாகக் கூறி, 10 ஆண்டுகள் அத்துமீறலில் ஈடுபட்டு ஏமாற்றிய…