புதுச்சேரி அரசியலில் பெரும் பரபரப்பை ஏற்படுத்தும் விதமாக, பாரதிய ஜனதா கட்சியின் மாநில பிரச்சாரப் பிரிவு அமைப்பாளரும், பிரபல நடிகருமான பாண்டி ரவி கட்சியின் அடிப்படை உறுப்பினர் உள்ளிட்ட அனைத்து பொறுப்புகளிலிருந்தும் விலகுவதாக அதிரடியாக அறிவித்துள்ளார். கடந்த 39 ஆண்டு காலமாக பாஜாகவுடன் பயணித்து வந்த அவர், செய்தியாளர்களைச் சந்தித்து தனது இந்த முடிவை வெளியிட்டார். விஜய் டிவியின் ‘பாண்டியன் ஸ்டோர்ஸ்’ உள்ளிட்ட பல தொலைக்காட்சித் தொடர்கள் மற்றும் திரைப்படங்கள் மூலம் மக்களிடம் நன்கு அறிமுகமான இவர், கட்சியில் தனக்குரிய தகுதிக்கேற்ப முக்கியத்துவம் வழங்கப்படாததால் இந்த முடிவை எடுத்ததாக மனவேதனையுடன் தெரிவித்துள்ளார்.
1987ஆம் ஆண்டு முதல் தன் தந்தையைப் பின்தொடர்ந்து பாஜகவில் தீவிரமாகப் பணியாற்றி வந்ததாகக் குறிப்பிட்ட பாண்டி ரவி, தேர்தல் பிரச்சாரங்கள் உட்பட தனக்கு வழங்கப்பட்ட பொறுப்புகளை முழு அர்ப்பணிப்புடன் செய்ததாகக் கூறினார். புதுச்சேரியில் உள்ள 10 லட்சம் மக்களில் பெரும்பாலானோருக்குத் தன்னைத் தெரியும் என்றும், கட்சியின் வளர்ச்சிக்காக இன்னும் அதிகமாக உழைக்கத் தயாராக இருந்தும் அதற்கான வாய்ப்புகளையும் வழிகளையும் கட்சித் தலைமை தனக்கு வழங்கவில்லை என்றும் அவர் குற்றம்சாட்டினார். எந்தவொரு பதவியையும் எதிர்பார்த்துத் தான் கட்சியில் இருக்கவில்லை என்றாலும், தனது அனுபவத்தையும் மக்கள் செல்வாக்கையும் கட்சிச் சரியாகப் பயன்படுத்திக் கொள்ளாதது ஏமாற்றமளிப்பதாக அவர் கூறியுள்ளார். பாண்டி ரவியின் இந்த திடீர் விலகல் புதுச்சேரி அரசியல் வட்டாரத்தில் தற்போது பெரும் விவாதப் பொருளாக மாறியுள்ளது.
கோலாப்பூர் – இச்சல்கரஞ்சி-கப்னூர் வழித்தடத்தில் உள்ள கப்னூர் சௌக் பகுதியில் அதிவேகமாக வந்த டாடா பஞ்ச் கார், முன்னால் சென்று…
உணவகத்தின் கலகலப்பான சத்தங்களுக்கு நடுவே, மேஜையின் நடுவில் வைக்கப்பட்டிருந்த ஹாட் பாட் பாத்திரம் மெல்லிய புகையுடன் கொதித்துக் கொண்டிருந்தது. தட்டிலிருந்த…
தலைநகர் டெல்லி மயூர் விஹார் பகுதியில் உள்ள தனியார் பள்ளியில் 3-ஆம் வகுப்பு படித்து வந்த 9 வயது சிறுமி…
கேரளாவில் வெளிநாட்டிலிருந்து சட்டவிரோதமாகக் கடத்தி வரப்பட்ட பல லட்சம் ரூபாய் மதிப்புள்ள தங்கத்தைக் கவர்ந்து செல்ல, பெண் ஒருவர் திரைப்பட…
உத்தரப் பிரதேச மாநிலம் புதௌன் மாவட்டத்தைச் சேர்ந்த கருலியா கிராமத்தைச் சேர்ந்தவர் ஏக்தா. ஏழு மாதக் கர்ப்பிணியாக இருந்த இவருக்குச்…
உத்தரப் பிரதேச மாநிலத்தில் 11-ஆம் வகுப்பு படித்துக் கொண்டிருந்த போதே காதலிப்பதாகக் கூறி, 10 ஆண்டுகள் அத்துமீறலில் ஈடுபட்டு ஏமாற்றிய…