“‘என்னை கூட்டிட்டு போம்மா… பயமா இருக்கு…” கதறி அழுத பிஞ்சு குழந்தை… உயர் நீதிமன்ற உத்தரவிட்டும் குழந்தையை ஒப்படைக்க மறுக்கும் அதிகாரிகள்…. கண்கலங்க வைக்கும் வீடியோ…!!

தெலுங்கானா மாநிலத்தில், சட்டப்பூர்வமாகத் தத்தெடுக்கப்படவில்லை எனக் கூறி 3 ஆண்டுகளாக ஆசையாக வளர்த்த தம்பதியிடமிருந்து பிஞ்சுக் குழந்தையைப் பிரித்துக் காப்பகத்தில் அடைத்த அதிகாரிகளின் செயலால் பெரும் பரபரப்பும் சோகமும் ஏற்பட்டுள்ளது. தெலுங்கானா மாநிலம் ஜகத்யாலா மாவட்டத்தைச் சேர்ந்த தம்பதி ஒன்று, இந்து மதச் சடங்குகளின்படி தத்தெடுத்துக் கடந்த 3 ஆண்டுகளாக ஒரு குழந்தையைத் தங்கள் சொந்தக் குழந்தையாக வளர்த்து வந்துள்ளது.

இந்நிலையில், முறைப்படி தத்தெடுக்கப்படவில்லை என்ற காரணத்தைக் கூறி குழந்தைகள் நலத்துறை அதிகாரிகள் அக்குழந்தையை பெற்றோரிடமிருந்து பிரித்துக் குழந்தைகள் நலக் காப்பகத்திற்கு மாற்றியுள்ளனர். காப்பகத்தில் இருக்கும் குழந்தையைப் பார்க்க பெற்றோர் சென்றபோது, தாயைக் கட்டிப்பிடித்துக் கொண்டு “என்னை உங்க கூட அழைச்சுட்டுப் போம்மா… எனக்கு பயமா இருக்கு” எனக் குழந்தை கதறி அழுத காட்சி காண்போரைக் கண் கலங்க வைத்துள்ளது.

இதனைத் தொடர்ந்து தம்பதியினர் உயர் நீதிமன்றத்தை நாடிய நிலையில், வழக்கு விசாரணையின் முடிவில் கடந்த அக்டோபர் 16 அன்று குழந்தையை உடனடியாக வளர்ப்புப் பெற்றோரிடம் ஒப்படைக்க வேண்டும் என உயர் நீதிமன்றம் உத்தரவிட்டது. இருப்பினும் நீதிமன்ற உத்தரவு வந்து பல நாட்களாகியும் அதிகாரிகள் குழந்தையை ஒப்படைக்காமல் தாமதித்து வருவதாகவும், காப்பகத்தில் இருக்கும் குழந்தையின் உடல்நிலை தொடர்ந்து மோசமடைந்து வருவதாகவும் பெற்றோர் குற்றம் சாட்டி உடனடியாகக் குழந்தையைத் தங்களிடம் ஒப்படைக்க வேண்டும் எனக் கோரிக்கை விடுத்து வருகின்றனர்.