ஐயோ… யார் சாமி நீ?… மெஸ்ஸி ஜெர்சியில் திருடன் வேடம்… உலகக் கோப்பையைத் தூக்கிச் சென்ற விசித்திர ரசிகர்… வைரலாகும் ஷாக்கிங் வீடியோ…!

சமூக வலைதளங்களில் தற்போது ஒரு கால்பந்து ரசிகரின் வித்தியாசமான மற்றும் நகைச்சுவையான காணொளி இணையத்தில் வைரலாக பரவி வருகிறது. அந்த காணொளியில், ஒரு ரசிகர் திருடனைப் போல முகமூடி அணிந்து கொண்டு, உலகப் புகழ்பெற்ற கால்பந்து வீரர் லியோனல் மெஸ்சியின் 10-ஆம் எண் அர்ஜென்டினா அணியின் ஜெர்சியை உடுத்தியுள்ளார். மேலும், அவரது கைகளில் உலகக்கோப்பையின் மாதிரி வடிவத்தையும் ஏந்தியவாறு தோன்றுவது பலரின் கவனத்தை ஈர்த்துள்ளது.

இந்த விசித்திரமான மற்றும் நகைச்சுவையான வேடமானது, கத்தார் நாட்டில் நடைபெற்ற 2022 உலகக்கோப்பை கால்பந்து தொடரில் அர்ஜென்டினா அணியின் வெற்றி குறித்துப் பரவும் கேலிகளை மறைமுகமாக வெளிப்படுத்தும் வகையில் அமைந்துள்ளது. அதாவது, அர்ஜென்டினா அணி தொடரின் போது நடுவர்களின் ஆதரவைப் பெற்றதாக எதிரணி ரசிகர்கள் சமூக வலைதளங்களில் அவ்வப்போது கிண்டல் செய்வதுண்டு. அந்த அணியினர் உலகக்கோப்பையை ‘வெல்லவில்லை, மாறாகத் திருடிவிட்டனர்’ என்று கூறப்படும் இணையக் கருத்துகளை அடிப்படையாகக் கொண்டே இந்த வீடியோ உருவாக்கப்பட்டுள்ளது.

இணையத்தில் பரவிவரும் இந்த காணொளி கால்பந்து ரசிகர்களிடையே பெரும் விவாதத்தையும், சிரிப்பலையையும் ஏற்படுத்தியுள்ளது. மெஸ்சியின் உலகக்கோப்பை வெற்றியைச் கொண்டாடும் அதேவேளையில், எதிரணி ஆதரவாளர்களின் கிண்டல்களையும் நகைச்சுவை உணர்வுடன் வெளிப்படுத்தும் இந்த வித்தியாசமான பாணி தற்போது உலகெங்கிலும் உள்ள சமூக வலைதள பயனர்களால் பெரிதும் பகிரப்பட்டு வருகிறது.