கணவருடன் தியேட்டருக்கு படம் பார்க்கச் சென்ற புது பெண்ணுக்கு காத்திருந்த அதிர்ச்சி.. நொடி பொழுதில் நடந்த சோகம்…!

சென்னை மந்தைவெளி எஸ்பிஐ குடியிருப்பில் மெல்வின் என்பவர் வசித்து வந்தார். எழும்பூரில் உள்ள தனியார் நிறுவனத்தில் வேலை பார்த்து வந்த இவருக்கு காயத்ரி என்ற மனைவி உள்ளார். இவர்களுக்கு கடந்த ஒரு மாதத்திற்கு முன்பு திருமணம் நடைபெற்ற நிலையில் விடுமுறை நாளான நேற்று புது ஜோடி இருவரும் மோட்டார் சைக்கிளில் கேளம்பாக்கம் அருகே ஓஎம்ஆர் சாலையில் உள்ள வணிக வளாகத்திற்கு சென்று இருந்தனர். அங்கு சுற்றிப் பார்த்துவிட்டு பிறகு தியேட்டரில் படம் பார்க்கச் சென்ற நிலையில் சினிமா பார்த்துக் கொண்டிருந்தபோது திடீரென்று மெல்வினுக்கு மூச்சு விடுவதில் சிரமம் ஏற்பட்டுள்ளது.

இதனைக் கண்டு அதிர்ச்சி அடைந்த காயத்ரி அங்கிருந்தவர்களின் உதவியுடன் கணவரை மீட்டு அருகில் உள்ள மருத்துவமனைக்கு அழைத்துச் சென்றார். அங்கு அவரை பரிசோதித்த மருத்துவர்கள் மெல்வின் மாரடைப்பால் ஏற்கனவே இறந்து விட்டதாக தெரிவித்தனர். இதனைக் கண்டு மனைவி காயத்ரி கதறி அழுதார். இந்த சம்பவம் தொடர்பாக வழக்குப்பதிவு செய்துள்ள போலீசார் உண்மையிலேயே மெல்வின் மறைவுக்கு மாரடைப்புதான் காரணமா? இல்லை வேறு ஏதாவது காரணம் உள்ளதா என்ற கோணத்தில் விசாரணை நடத்தி வருகிறார்கள். திருமணமான ஒரு மாதத்தில் புது மாப்பிள்ளை உயிரிழந்த சம்பவம் அதிர்ச்சியை ஏற்படுத்தியுள்ளது.