அமெரிக்கா ஏன் ஹார்முஸ் ஜலசந்தியிலிருந்து பின்வாங்கியது?… டிரம்ப் கொடுத்த அந்த அதிர்ச்சி அறிக்கை.. ஈரான் போரில் நிகழ்ந்த திடீர் திருப்பம்..!!!

ஈரானின் உச்சத் தலைவர் ஆயதுல்லா அலி காமேனி கொல்லப்பட்ட பிறகு, ஈரான் பெரும் பின்னடைவைச் சந்திக்கும் என்று அமெரிக்காவும் இஸ்ரேலும் எதிர்பார்த்தன. ஆனால், புதிய தலைவராகப் பொறுப்பேற்ற முஜ்தபா காமேனி எடுத்த ஐந்து அதிரடி முடிவுகள் அமெரிக்காவைத் திணறடித்துள்ளன. குறிப்பாக, போரின் ஆறாவது நாளிலேயே ஹார்முஸ் ஜலசந்தியை மூடியதன் மூலம் உலகளாவிய விநியோகச் சங்கிலியில் பெரும் பாதிப்பை ஏற்படுத்தினார்.

மேலும், தனது இருப்பிடத்தைக் கண்டறிய முடியாதபடி வீடியோ உரைகளைத் தவிர்த்து எழுத்துப்பூர்வமாக மட்டுமே உத்தரவுகளைப் பிறப்பித்தது, ஈரானிய ராணுவத்தைப் பல சிறு குழுக்களாகப் பிரித்து அமெரிக்காவின் நேரடி ஆக்கிரமிப்பைத் தடுத்தது மற்றும் பிரிட்டனின் சாக்கோஸ் தீவு தளத்தின் மீது தாக்குதல் நடத்தி மேலைநாடுகளை எச்சரித்தது என இவரது வியூகங்கள் போரின் போக்கை மாற்றியுள்ளன.

தற்போது அமெரிக்க அதிபர் டொனால்ட் டிரம்ப் ஹார்முஸ் விவகாரத்தில் இருந்து பின்வாங்குவதாகவும், ஈரானில் ஆட்சி மாற்றத்திற்குப் பதிலாக போரை விரைவில் முடிவுக்குக் கொண்டு வருவதே இலக்கு என்றும் கூறும் நிலைக்குத் தள்ளப்பட்டுள்ளார். ஈரானின் தகவல் தொடர்பு கட்டமைப்பை மிகச்சரியாக ஒருங்கிணைத்த முஜ்தபா, அமெரிக்க மற்றும் இஸ்ரேலியப் பரப்புரைகளை முறியடித்து அதிகாரப்பூர்வ தகவல்களை உடனுக்குடன் வெளியிடுவதன் மூலம் போர்க்களத்தில் மேலாதிக்கம் செலுத்தி வருகிறார்.

இந்நிலையில் முஜ்தபாவின் இந்தத் தந்திரோபாய முடிவுகள், ஒரு வல்லரசு நாட்டைப் பேச்சுவார்த்தை மேசைக்கு வரவழைக்கும் அளவுக்கு ஈரானை வலுப்படுத்தியுள்ளதாக அரசியல் நோக்கர்கள் கருதுகின்றனர். இதற்கிடையில், அமெரிக்காவில் டொனால்ட் டிரம்பிற்கு எதிராக உள்நாட்டு விமர்சனங்களும் வலுத்து வருகின்றன.