பிக்பாஸ் சீசன் 9-லிருந்து நான்கே நாட்களில் வெளியேறிய நந்தினி, அந்த நிகழ்ச்சி குறித்தும் தொகுப்பாளர் விஜய் சேதுபதி குறித்தும் மிகக் கடுமையான விமர்சனங்களை முன்வைத்துள்ளார். பிக்பாஸ் வீட்டில் நடப்பவை எதுவுமே உண்மையில்லை என்றும், போட்டியாளர்களைச் சண்டை போடத் தூண்டிவிட்டுத் தன்னை ஒரு பைத்தியக்காரி போலச் சித்தரித்து அனுப்பிவிட்டதாகவும் அவர் வேதனையோடு தெரிவித்துள்ளார்.
இதனால் தனது திரைப்பயணமே பாதிக்கப்பட்டுள்ளதாகக் கூறும் அவர், தனக்குக் கவுன்சிலிங் தேவையில்லை, நிகழ்ச்சியை நடத்துபவர்களுக்குத்தான் அது தேவை என கொந்தளித்துள்ளார். விஜய் சேதுபதி போட்டியாளர்களைச் சரியாக மதிப்பதில்லை என்றும், கமல் ஹாசன் தொகுத்து வழங்கியது போல இது சிறப்பாக இல்லை என்றும் நந்தினி குற்றம் சாட்டியுள்ளார்.
நிகழ்ச்சியில் நடக்கும் மோதல்களைத் தடுக்காமல், எடிட்டிங் மூலம் தங்களுக்குச் சாதகமான காட்சிகளை மட்டுமே ஒளிபரப்புவதாகப் புகார் கூறியுள்ளார். சாண்ட்ரா, பிரஜன் போன்றவர்களை வெளியே அனுப்பாமல் தன்னை மட்டும் சதி செய்து அனுப்பியது ஏன் எனக் கேள்வி எழுப்பியுள்ள அவர், இந்த நிகழ்ச்சியில் கலந்து கொண்டதையே ஒரு கசப்பான அனுபவமாகக் கருதுகிறார்.