கன்னியாகுமரி மாவட்டம் மணவாளக்குறிச்சி அருகே உள்ள கூட்டு மங்கலம் பகுதியை சேர்ந்த பிளம்பர் ஆன வினோ என்பவருக்கு அதே பகுதியை சேர்ந்த ரம்யா என்ற பெண்ணுடன் கடந்த சில வருடங்களுக்கு முன்பு திருமணம் நடந்தது. இந்த தம்பதிகளுக்கு ஒரு குழந்தை உள்ள நிலையில் வினோ பிளம்பிங் வேலைக்கு சென்றபோது பிரபா என்றவருடன் பழக்கம் ஏற்பட்டுள்ளது. இவருடைய கணவரான கண்ணன் என்பவர் வெளிநாட்டில் தங்கிய வேலை பார்த்து வருகிறார். இதனிடையே வினோ மற்றும் பிரபா இருவரும் மாறி மாறி செல்போன் எண்களை பரிமாறிக் கொண்ட நிலையில் இருவரும் அடிக்கடி செல்போனில் தொடர்பு கொண்டு பேசுவதோடு விடிய விடிய வீடியோ கால் பேசியுள்ளனர்.
இரவு முழுவதும் கணவர் தூங்காமல் வேறு ஒரு பெண்ணுடன் வீடியோ காலில் பேசுவதை கண்டுபிடித்த பிளம்பர் வினோவின் மனைவி ரம்யா, கண்ணனின் மனைவி பிரபாவை தொடர்பு கொண்டு தன் கணவருடன் பழகுவதை நிறுத்த வேண்டும் எனவும் இல்லை என்றால் வீடியோ கால் பேசுவதை உன் கணவரிடம் சொல்லிவிடுவேன் என்றும் கூறியுள்ளார். இந்நிலையில் நேற்று இரவு மீண்டும் இருவரும் வீடியோ காலில் பேசிக் கொண்டிருந்ததை பார்த்த ஆத்திரம் அடைந்த ரம்யா தன் கணவரை கையோடு பிரபா வீட்டுக்கு அழைத்துச் சென்றதோடு அங்கிருந்த பிரபாவின் கணவர் கண்ணனிடம் நடந்த சம்பவத்தை கூறி அவருடைய மனைவியை பிரபாவை கண்டிக்குமாறு கூறியுள்ளார். இதில் இரு தரப்புக்கும் இடையே வாக்குவாதம் ஏற்பட்ட நிலையில் ஆத்திரமடைந்த கண்ணன் வீட்டிலிருந்த அறிவாலை எடுத்து வந்து பிளம்பர் தலையில் சரமாரியாக வெட்டியுள்ளார்.
இதனால் தலையில் பலத்த காயம் அடைந்த வினோ சிகிச்சைக்காக மருத்துவமனையில் அனுமதிக்கப்பட்டார். இதனைத் தொடர்ந்து ரம்யா அளித்த புகாரியின் அடிப்படையில் கண்ணன் மற்றும் அவருடைய மனைவி பிரபா மீது போலீசார் வழக்கு பதிவு செய்து இருவரையும் தேடி வருகின்றனர். இளம் பெண்ணுடன் விடிய விடிய வீடியோ கால் பேசிய பிளம்பருக்கு அரிவாள் வெட்டு விழுந்த சம்பவம் அந்தப் பகுதியில் அதிர்ச்சியையும் பரபரப்பையும் ஏற்படுத்தியுள்ளது.
தவெக எம்.எல்.ஏ.க்கள் விவகாரத்தில் முதல்வர் ஜோசப் விஜய் விடுத்த எச்சரிக்கை வெறும் கண்துடைப்பு நாடகம் என்றும், பஞ்ச் டயலாக் பேசி…
கள்ளக்குறிச்சி மாவட்ட ஆட்சியருக்குத் தகாத குறுஞ்செய்தி அனுப்பியதாக எழுந்துள்ள குற்றச்சாட்டில் தொடர்புடைய தவெக எம்.எல்.ஏ. அருள் விக்னேஷை ஆளுங்கட்சி தரப்பு…
ஈரோட்டில் குடிபோதையில் ஏற்பட்ட தகராறில் பெற்ற தந்தையின் தலையைப் பிடித்துத் தரையில் பலமாக மோதிக் கொன்ற மகனை போலீசார் கைது…
தூத்துக்குடி மாவட்டம் கோவில்பட்டி அருகே கிராம மக்களைத் தரையில் அமர வைத்து, கையில் லத்தியுடன் போலீஸ் இன்ஸ்பெக்டர் விசாரணை நடத்தும்…
சென்னையில் மழைநீர் வடிகால் பணிக்காகத் தோண்டப்பட்டு எந்தவிதமான தடுப்புகளும் எச்சரிக்கைப் பலகைகளும் இன்றித் திறந்த கிடந்த பள்ளத்தில் இருசக்கர வாகனத்துடன்…
தவெக அரசைக் கவிழ்க்க எதிர்க்கட்சிகள் எத்தகைய சதித் திட்டங்களைத் தீட்டினாலும், நம்பிக்கையில்லா தீர்மானம் போன்ற எத்தகைய நடவடிக்கையையும் எதிர்கொள்ளக் கட்சி…