BREAKING: 100 கோடி நில மோசடி வழக்கில் அதிரடி திருப்பம்… எம்.ஆர். விஜயபாஸ்கருக்கு காத்திருந்த அதிர்ச்சி… நீதிமன்றம் பரபரப்பு உத்தரவு….!

ரூ. 100 கோடி மதிப்பிலான நில மோசடி வழக்கு தொடர்பாக, அதிமுக முன்னாள் அமைச்சர் எம்.ஆர். விஜயபாஸ்கர் மற்றும் கரூர் நகர முன்னாள் காவல் ஆய்வாளர் பிருத்விராஜ் ஆகியோர் கரூர் குற்றவியல் நீதிமன்றத்தில் இன்று ஆஜராகினர். கரூர் மாவட்டம் வாங்கல் குப்பிச்சிபாளையத்தைச் சேர்ந்த பிரகாஷ் என்பவருக்குச் சொந்தமான 22 ஏக்கர் நிலத்தை, போலி ஆவணங்கள் தயாரித்து அபகரித்துக் கொண்டதாகக் கடந்த 2024-ஆம் ஆண்டு கரூர் சார் பதிவாளர் புகார் அளித்திருந்தார். இந்த புகாரின் அடிப்படையில், சிபிசிஐடி போலீசார் எம்.ஆர். விஜயபாஸ்கர் மற்றும் பிருத்விராஜ் ஆகியோர் மீது ஆள் கடத்தல், கொலை மிரட்டல் உள்ளிட்ட 6 சட்டப் பிரிவுகளின் கீழ் வழக்குப்பதிவு செய்து தீவிர விசாரணை மேற்கொண்டு வருகின்றனர்.

இந்நிலையில், கரூர் குற்றவியல் நீதிமன்றம் எண் 1-ல் நீதிபதி பரத்குமார் முன்னிலையில் இவ்வழக்கு திங்கள்கிழமை காலை 11 மணியளவில் விசாரணைக்கு வந்தது. அப்போது முன்னாள் அமைச்சர் எம்.ஆர். விஜயபாஸ்கர் மற்றும் முன்னாள் காவல் ஆய்வாளர் பிருத்விராஜ் ஆகிய இருவரும் நீதிமன்றத்தில் நேரில் ஆஜராகினர். வழக்கை விசாரித்த நீதிபதி பரத்குமார், இதன் அடுத்தகட்ட விசாரணையை வரும் 27-ஆம் தேதிக்கு ஒத்திவைத்து உத்தரவு பிறப்பித்தார்.

இதனிடையே, எம்.ஆர்.விஜயபாஸ்கருக்கு நிவாரணம் அளிக்கும் வகையில் மற்றொரு முக்கிய திருப்பமும் நிகழ்ந்துள்ளது. கடந்த சட்டமன்றத் தேர்தலில் கரூர் தொகுதியில் போட்டியிட்ட தவெக வேட்பாளர் மதியழகன், எம்.ஆர்.விஜயபாஸ்கருக்கு எதிராக சென்னை உயர் நீதிமன்றத்தில் தொடர்ந்திருந்த தேர்தல் வழக்கை திரும்பப் பெற விரும்புவதாக அவரது தரப்பு வழக்கறிஞர்கள் தெரிவித்துள்ளது குறிப்பிடத்தக்கது.