VIRAL VIDEO: ஏன் இப்படி கத்துற..? குழந்தை பெத்துக்குறது ஒன்னும் வலி இல்ல… பிரசவ அறையில் வலியால் துடித்த மருமகளை கிண்டல் செய்த மாமியார்..!!

உத்திரபிரதேச மாநிலத்தில் உள்ள மருத்துவமனையில் பிரசவ வலியால் துடித்துக் கொண்டிருந்த மருமகளை மாமியார் கடுமையாக பேசி கேலி செய்யும் அதிர்ச்சிகரமான வீடியோ சமூக வலைதளத்தில் வைரல் ஆகி வருகிறது. பிரசவ அறையில் மருமகள் தாங்க முடியாத வேதனையில் அலறிக் கொண்டிருக்கிறார். அப்போது அந்த வயதான மாமியார் ஆறுதல் கொடுப்பதற்கு பதிலாக இது அவ்வளவு வலியில்லை என்றும் மற்ற பெண்கள் எல்லாம் அமைதியாக தான் குழந்தை பெற்றார்கள். நீ ஏன் இவ்வளவு கத்துகிறாய்?  என்றும் அவர் நடிப்பதாகவும் குற்றம் சாட்டி பேசுகிறார்.

இந்த அதிர்ச்சி வீடியோ பலரையும் கோபத்தில் கொந்தளிக்க வைத்துள்ளது. மருத்துவமனை ஊழியர்கள் பக்கத்தில் இருந்தும் ஏன் தலையிடவில்லை என்ற கேள்வியும் எழுந்துள்ளது. இந்த வீடியோவின் உண்மை தன்மை மற்றும் அதனுடைய இருப்பிடம் உறுதி செய்யப்பட்ட நிலையில் மருமகளின் தனி உரிமை காப்பதற்கு மருத்துவமனையின் பெயர் முழுமையாக வெளியிடப்படவில்லை. ஆனால் மாமியாரின் இந்த செயலானது குடும்ப வன்முறை மற்றும் உணர்ச்சி ரீதியான கொடுமை என்று பெண்கள் உரிமை அமைப்புகள் கண்டனம் தெரிவித்து அவர் மீது சட்டப்படி நடவடிக்கை எடுக்க வலியுறுத்தி வருகிறது.