“டிரெஸ் ஒழுங்கா போடுமா” அசிங்கமா இருக்கு… கண்டித்த மாமனார், மாமியார்… மருமகள் கொடுத்த டார்ச்சர்… ஒரே நாளில் நடந்த அதிர்ச்சி சம்பவம்..!!

அரியானா மாநிலம் பானிபட்டில் ஆடை விவகாரம் தொடர்பாக ஏற்பட்ட குடும்பத் தகராறில், மாமனார் மற்றும் மாமியார் விஷம் குடித்து தற்கொலை செய்து கொண்ட சம்பவம் பெரும் அதிர்ச்சியை ஏற்படுத்தியுள்ளது. பானிபட்டைச் சேர்ந்த ராஜேஷ் – சுமன் தம்பதியினரின் ஒரே மகனான ஆஷிஷ், கடந்த ஆண்டு டெல்லியைச் சேர்ந்த சினேகா என்ற பெண்ணை காதலித்து திருமணம் செய்து கொண்டார். இன்ஸ்டாகிராம் மூலம் அறிமுகமான இவர்களின் திருமணத்திற்குப் பிறகு, சினேகாவின் உடை அலங்காரம் தொடர்பாக வீட்டில் அடிக்கடி வாக்குவாதங்கள் ஏற்பட்டு வந்துள்ளன.

டெல்லியின் நவீன கலாச்சாரத்தில் வளர்ந்த சினேகாவால், கிராமப்புற சூழலுக்கு ஏற்ப தன்னை மாற்றிக்கொள்ள இயலவில்லை என்று கூறப்படுகிறது. குடும்பத்தின் கௌரவம் மற்றும் கிராமத்து வழக்கப்படி சினேகா ஆடை அணிய வேண்டும் என்று மாமனார் ராஜேஷும், மாமியார் சுமனும் விரும்பினர். ஆனால், இதனை தனது தனிப்பட்ட சுதந்திரத்தில் தலையிடும் செயலாக சினேகா கருதினார். இந்த முரண்பாடு நாளடைவில் இரு தரப்பிற்கும் இடையே கடுமையான மோதலாக உருவெடுத்தது.

சினேகா தனது மாமியார் சுமனை அடிக்கடி தரக்குறைவாக நடத்தியதுடன், உடல் ரீதியாகவும் தாக்கியதாகக் கூறப்படுகிறது. இதனால் மிகுந்த மனவேதனை அடைந்த ராஜேஷ் மற்றும் சுமன், மீண்டும் ஒருமுறை தகராறு ஏற்பட்டபோது மன அழுத்தம் தாங்க முடியாமல் விஷம் அருந்தினர். மருத்துவமனைக்குக் கொண்டு செல்லும் வழியிலேயே சுமன் உயிரிழந்தார்; தீவிர சிகிச்சையில் இருந்த ராஜேஷும் அடுத்த நாள் காலை சிகிச்சை பலனின்றி உயிரிழந்தார். ஒரு சிறிய ஆடை விவகாரம், முதியவர்களின் தற்கொலையில் முடிந்தது அப்பகுதியில் சோகத்தை ஏற்படுத்தியுள்ளது.