சிவகார்த்திகேயன் படத்தில் நடிக்க கமல் ஹாசன் பெயரில் நடந்த பல கோடி மோசடி.. உலக நாயகனுக்கு இப்படி ஒரு நிலையா??

சென்னை மாவட்டத்தில் உள்ள ஆழ்வார்பேட்டையில் நடிகர் கமலின் ஆர்.கே.எப்.ஐ என்ற பெயரில் ராஜ் கமல் பிலிம்ஸ் இன்டர்நேஷனல் என்ற திரைப்பட தயாரிப்பு நிறுவனம் அமைந்துள்ளது. இந்த நிறுவனத்தின் சிஇஓ நாராயணன் சென்னை போலீஸ் கமிஷனர் அலுவலகத்தில் ஒரு புகார் அளித்துள்ளார். அந்த புகாரில் ராஜ்கமல் பிலிம்ஸ் நிறுவனத்தின் பெயரில் மோசடியில் ஈடுபடும் நபர்கள் மீது நடவடிக்கை எடுக்க வேண்டும் என குறிப்பிட்டுள்ளார்.

அந்த புகாரின் பேரில் வழக்குப்பதிவு செய்த போலீசார் நடத்திய விசாரணையில் திடுக்கிடும் தகவல் தெரியவந்தது. அதாவது 12-ஆம் வகுப்பு படித்துள்ள கேரளாவை சேர்ந்த புகழேந்தி என்பவரும் தமிழகத்தைச் சேர்ந்த சுதாகர் இணைந்து கடலூர் மாவட்டத்தில் உள்ள விருதாச்சலத்தில் அலுவலகம் ஒன்றை தொடங்கியுள்ளனர். அந்த அலுவலகத்தில் ஸ்டார்க் மார்க்கெட் ஆலோசகராகவும், வர்த்தகம் தொடர்பாக மாணவர்களுக்கு பாடம் எடுத்து வந்து லாபம் பார்த்து வந்தனர்.

 

அவர்களது ஆலோசனைப்படி ஆகாஷ் ஸ்டார்க் மார்க்கெட்டில் 7 லட்சம் முதலீடு செய்துள்ளார். அவர் முதலீடு செய்த நிறுவனத்தின் சந்தை மதிப்பு வீழ்ச்சி அடைந்து பெரும் நஷ்டம் ஏற்பட்டது. இதில் கோபமடைந்த ஆகாஷ் புகழேந்தி மற்றும் சுதாகரனை கடுமையாக திட்டி உள்ளார். இதனால் இருவரும் புதிதாக மோசடியில் ஈடுபட திட்டமிட்டனர்.

அதன்படி ராஜ்கமல் பிலிம்ஸ் நிறுவனத்தின் பெயரை பயன்படுத்தி சிம்பு, சிவகார்த்திகேயன் நடிக்கும் படத்திற்கு நடிகை நடிகர்கள் தேவை என இன்ஸ்டாகிராமில் விளம்பரம் செய்தனர். அதன்படி அவர்கள் 10 கோடி ரூபாய் வரை மோசடி செய்ததாக தெரிகிறது. இதனால் நீண்ட தேடுதலுக்கு பிறகு சுதாகரையும், புகழேந்தையும் போலீசார் அதிரடியாக கைது செய்தனர். மேலும் அவர்களிடம் இருந்த பணம் பத்திற்கும் மேற்பட்ட செல்போன்கள், லேப்டாப்கள் ஆகியவற்றை பறிமுதல் செய்து விசாரணை நடத்தி வருகின்றனர்.