“என் அம்மா வேணும்… கதறி அழுதும் 3 பிஞ்சுகள்”…. வீட்டிற்குள் கழுத்தறுக்கப்பட்ட பெண்…. அம்பலமான திடுக்கிடும் உண்மை….!

கர்நாடக மாநிலம் வணகெரே பகுதியில், மூன்று குழந்தைகளின் தாயான நாகரத்னா (45) என்பவர் வீட்டில் கழுத்தறுத்துக் கொடூரமாகக் கொலை செய்யப்பட்ட சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது. இக்கொலை வழக்கு தொடர்பாக நாகராஜ் (36) என்பவரைக் காவல் துறையினர் கைது செய்து விசாரணை நடத்தி வருகின்றனர். உயிரிழந்த நாகரத்னாவுக்கும் நாகராஜுக்கும் இடையே பழக்கம் இருந்த நிலையில், சம்பவத்தன்று இருவருக்கும் இடையே ஏற்பட்ட தகராறே இக்கொலைக்குக் காரணம் என முதற்கட்ட விசாரணையில் தெரியவந்துள்ளது.

சம்பவத்தன்று நாகரத்னாவின் வீட்டிற்குச் சென்ற நாகராஜ், அவருடன் வாக்குவாதத்தில் ஈடுபட்டுத் தான் வைத்திருந்த கத்தியால் நாகரத்னாவின் கழுத்தை அறுத்துள்ளார். நாகரத்னா சம்பவ இடத்திலேயே ரத்த வெள்ளத்தில் உயிரிழந்த நிலையில், அவரது அலறல் சத்தம் கேட்டு ஓடிவந்த அக்கம் பக்கத்தினர் தப்பியோட முயன்ற நாகராஜைச் சுற்றி வளைத்துப் பிடித்தனர். ஆத்திரமடைந்த பொதுமக்கள் அவரை அருகிலிருந்த தென்னை மரத்தில் கட்டிவைத்துத் தாக்கிய நிலையில், விரைந்து வந்த டவுன் காவல் துறையினர் நாகராஜை மீட்டுப் பாதுகாப்பாகக் காவல் நிலையத்திற்கு அழைத்துச் சென்றனர்.

நாகரத்னாவின் உடலைக் கைப்பற்றிய காவல் துறையினர், பிரேதப் பரிசோதனைக்காக அரசு மருத்துவமனைக்கு அனுப்பி வைத்துள்ளனர். இக்கொலைக்கான துல்லியமான காரணம் மற்றும் பின்னணி குறித்து வழக்குப்பதிவு செய்து தீவிர விசாரணை மேற்கொண்டு வருகின்றனர். வீட்டின் உள்ளேயே பெண் கொலை செய்யப்பட்டதும், சந்தேக நபரைப் பொதுமக்கள் மரத்தில் கட்டிவைத்துத் தாக்கியதும் அப்பகுதியில் பெரும் பரபரப்பை ஏற்படுத்தியுள்ள நிலையில், தாயை இழந்து தவிக்கும் 3 குழந்தைகளின் கதறல் அப்பகுதி மக்களிடையே சோகத்தை ஏற்படுத்தியுள்ளது.