டியூட் படத்தை தொடர்ந்து விக்னேஷ் சிவன் இயக்கத்தில் பிரதீப் ரங்கநாதன் நடித்த எல்ஐகே படம் அடுத்த ஆண்டு 2026 பிப்ரவரியில் வெளியாகும் என்று கூறப்படுகிறது. அடுத்து பிரதீப் ரங்கநாதன் இயக்கி அவரே கதாநாயகனாக நடிக்கும் ஒரு புதிய படத்தை ஏஜிஎஸ் என்டர்டைமென்ட் நிறுவனம் தயாரிக்க உள்ளது. இந்த படம் பெரிய பட்ஜெட்டில் சயின்ஸ் பிக்சன் பாணியில் ஆக்சன் கலந்து பிரதீப் ரங்கநாதன் உருவாக்க திட்டமிட்டுள்ளார்.
இந்த படத்தின் படப்பிடிப்பு வரும் மார்ச் மாதம் தொடங்கி 2026ம் ஆண்டு இறுதிக்குள் படத்தை வெளியிட முடிவு செய்யப்பட்டுள்ளது. இந்த படத்தில் பிரதீப் ரங்கநாதனுக்கு ஜோடியாக நடிக்க நடிகை மீனாட்சி சவுத்ரியிடம் பேச்சுவார்த்தை நடந்து வருகிறது. இவர் ஏற்கனவே விஜய் நடித்த தி கோட் படத்திலும் துல்கர் சல்மானுக்கு ஜோடியாக லக்கி பாஸ்கர் படத்திலும் நடித்தவர் என்பது குறிப்பிடத்தக்கது. லவ் டுடே படத்துக்கு பிறகு பிரதீ்ப் ரங்கநாதன் அவரே இயக்கி நடிக்கும் படம் இது என்பதால் ரசிகர்கள் மத்தியில் இந்த படத்துக்கு பெரிய எதிர்பார்ப்பு ஏற்பட்டுள்ளது.