வயிற்று உப்பிசத்தால் அவதிப்படறீங்களா? அந்த 2 மட்டும் இருந்தால் உடனே இதுக்கு தீர்வு கிடைக்குதுங்க…

அடிக்கடி சிலருக்கு வயிற்றில் உப்பிசம் ஏற்படும். வாய்வு காரணமாக தான் பெரும்பாலும் வயிற்றில் உப்பிசம் உண்டாகும். இதனால் வயிற்றில் வலி, சிலருக்கு மூச்சுத் திணறல் ஏற்படும். இந்த பாதிப்பு ஏற்பட்டால் உடனடியாக குணப்படுத்த வேண்டும். இல்லையென்றால் மேலும் வயிறு உப்புசம் அதிகரித்து அதிக கஷ்டத்தை கொடுக்கும். வயிற்றில் உப்புசம் ஏற்பட்டவுடன் 50 கிராம் ஓமத்தை எடுத்து சுத்தம் பார்த்து ஒரு சட்டியை அடுப்பில் வைத்து ஓமத்தை போட்டு வறுக்க வேண்டும்

சிவந்து வரும்போது அதை ஒரு முறத்தில் கொட்டி ஆறவிட வேண்டும். அதை கையினால் பிசைந்து அதன்மேல் உள்ள உமி உதிர்ந்து விடும்படி செய்து நன்றாக சுத்தம் செய்ய வேண்டும். பிறகு சுத்தமான அம்மியில் அதை வைத்து 10 கிராம் பனைவெல்லத்தையும் சேர்த்து மை போல அரைத்து ஒரு வாய் அகன்ற சீசாவில் வைத்துக் கொள்ள வேண்டும். காலை, மாலை ஒரு கொட்டை பாக்கு அளவுக்கு சாப்பிட்டு வந்தால் வயிற்று உப்பிசம் நீங்கிவிடும்.