அன்புமணிக்கு வந்த சீக்ரெட் கால்….. “எதிர்ப்பை விட்டுட்டு வாங்க”…. பாய்ந்த தூது…. தவெக போட்ட மாஸ்டர் பிளான்…. அதிரும் தமிழக அரசியல்….!

2026 சட்டமன்றத் தேர்தலில் 108 தொகுதிகளில் வெற்றி பெற்று ஆட்சியைப் பிடித்த தமிழக வெற்றிக் கழகம், பெரும்பான்மையை நிரூபிக்க திமுக கூட்டணியில் இருந்த காங்கிரஸ், விசிக, கம்யூனிஸ்ட் மற்றும் முஸ்லீம் லீக் உள்ளிட்ட கட்சிகளின் ஆதரவைப் பெற்றது. ஆனால், அதிமுக – பாஜக கூட்டணியில் இருந்த பாமகவை அப்போது தவெக அணுகவில்லை. இருப்பினும், முதலமைச்சராகப் பொறுப்பேற்ற பிறகு விஜய், அன்புமணி ராமதாஸை மரியாதை நிமித்தமாகச் சந்தித்துப் பேசினார். அவ்வாறு சந்தித்துப் பேசியபோதிலும், பாமக தலைவர் அன்புமணி ராமதாஸ் தவெக அரசின் பல்வேறு செயல்பாடுகளைத் தொடர்ந்து கடுமையாக விமர்சித்தே வருகிறார்.

இந்த நிலையில், இரு கட்சிகளுக்கும் இடையிலான உறவில் ஒரு புதிய திருப்பம் ஏற்பட்டுள்ளதாகக் கூறப்படுகிறது. விஜய்க்கு மிக நெருக்கமான முக்கியப் புள்ளியொருவர் சமீபத்தில் அன்புமணியைத் தொடர்பு கொண்டு பேசியிருப்பதாக அரசியல் வட்டார தகவல்கள் தெரிவிக்கின்றன. அப்போது, அன்புமணி ராமதாஸின் மனைவி சௌமியாவை அமைச்சராக்க முதலமைச்சர் விருப்பம் தெரிவிப்பதாகவும், எனவே தவெகவுக்கு எதிரான அரசியல் நிலப்பாட்டைக் கைவிட்டு, வரவிருக்கும் இடைத்தேர்தலுக்குப் பிறகு கூட்டணியில் இணையுமாறும் தூது அனுப்பப்பட்டுள்ளதாகச் சொல்லப்படுகிறது.

தற்போது தவெக அரசுக்கு ஆதரவளித்து வரும் விசிக மற்றும் கம்யூனிஸ்ட் கட்சிகள் அரசுக்கு எதிராகப் பல இடங்களில் குரல் கொடுத்து வருகின்றன. மேலும், நடந்து முடிந்த தேர்தலில் திருமாவளவனின் ஆதரவின்றியே ஆதிதிராவிடர்களின் கணிசமான வாக்குகளைத் தவெக பெற்றுவிட்ட நிலையில், வடமாவட்டங்களில் வன்னியர் சமூக வாக்குகளை மேலும் வலுப்படுத்த பாமகவின் தயவு தேவை என விஜய் கருதுவதாகத் தெரிகிறது. இதனால் தற்போதைய ஆதரவுக் கட்சிகளைக் கழற்றிவிட்டு பாமகவை இணைக்கத் திட்டமிடப்படுவதாகவும், எதிர்வரும் இடைத்தேர்தல் முடிவுகளுக்குப் பிறகு தவெக கூட்டணியில் பெரிய அளவிலான மாற்றங்கள் நிகழக்கூடும் என்றும் எதிர்பார்க்கப்படுகிறது.