நான் மட்டும் அந்த உண்மையை சொன்னா…. “ராதா கண்டிப்பா ஜெயிலுக்கு போவாரு”… அம்பிகாவின் பரபரப்பு வாக்குமூலம்… திரையுலகில் அதிர்ச்சி…..!

தென்னிந்தியத் திரையுலகின் பிரபல மூத்த நடிகைகளான அம்பிகா மற்றும் ராதா சகோதரிகளுக்கு இடையே எழுந்துள்ள ரூ.47 கோடி காசோலை விவகாரம், திரைவட்டாரத்திலும் ரசிகர்கள் மத்தியிலும் பெரும் பரபரப்பை ஏற்படுத்தியுள்ளது. தனது ரூ.47 கோடி காசோலையைச் சகோதரி அம்பிகா தவறாகப் பயன்படுத்தியதாக ராதா புகார் அளித்திருந்த நிலையில், அதுதொடர்பாகச் செய்தியாளர்களைச் சந்தித்து விளக்கமளித்தார். இருப்பினும், ராதாவின் இந்தக் குற்றச்சாட்டைப் முற்றிலும் மறுத்துள்ள அம்பிகா, தன் மீதான புகாருக்குக் காரசாரமான பதிலடியைக் கொடுத்துள்ளார்.

இந்த விவகாரம் குறித்துப் பேசிய அம்பிகா, “குடும்பச் சொத்துக்களைப் பிரித்த வகையில் ராதா தரப்பிலிருந்து எனக்கு ரூ. 97 கோடி வர வேண்டியுள்ளது. அதற்காகவே ராதா எனக்கு 5 காசோலைகளைக் கொடுத்தார். அதில் ஒரு ரூ. 47 கோடி காசோலையை நான் வங்கியில் செலுத்தியபோது, அவர் அதன் பரிவர்த்தனையை நிறுத்தி வைத்துள்ளார். ஏ.ஆர்.எஸ் கார்டன் யாருக்குச் சொந்தம் என்பதில் தான் எங்களுக்குள் பிரச்சனை நிலவி வருகிறது. தற்போது அந்தச் சொத்திலிருந்து எனது பெயரையும் நீக்கிவிட்டார்கள்” என்று தனது தரப்பு நியாயத்தை முன்வைத்துள்ளார்.

மேலும் தொடர்ந்து பேசிய அவர், “காசோலையைக் கொடுத்ததும் அவர்தான், அதை நிறுத்தியதும் அவர்தான்; ஆனால் என் மீது புகார் கொடுக்கிறார். ராதா கையெழுத்திட்ட செக் என் வீட்டிற்கு எப்படி வரும்? அவராகக் கொடுத்ததை நான் திருடியா வங்கியில் செலுத்தினேன்? இது குறித்து ராதாவிடம் உரிய விசாரணை நடத்தினாலே உண்மை வெளிவந்துவிடும். நான் உண்மையைப் பேசத் தொடங்கினால் ராதா சிறைக்குச் செல்ல நேரிடும்” என்று பகிரங்க எச்சரிக்கை விடுத்துள்ளார். ஒரு காலத்தில் திரையில் இணைபிரியா சகோதரிகளாக வலம் வந்த இருவருக்கு இடையேயான இந்தச் சொத்துப் பிரச்சனை தற்போது தீவிரமடைந்துள்ளது.