BREAKING : தூத்துக்குடியை உலுக்கிய அதிரடி உத்தரவு…. ஸ்டெர்லைட் போராட்டக் குடும்பங்களுக்கு ரூ.5.25 கோடி வாரி வழங்கி முதல்வர் விஜய் அதிரடி….!

தூத்துக்குடி ஸ்டெர்லைட் தாமிர உருக்காலைக்கு எதிரான போராட்டத்தில் பாதிக்கப்பட்டு நீண்டகாலமாக நீதியை எதிர்நோக்கியிருந்த குடும்பங்களுக்குத் தமிழ்நாடு அரசு தற்போது ஒரு முக்கிய நிவாரண அறிவிப்பை வெளியிட்டுள்ளது. கடந்த 2018 ஆம் ஆண்டு மே மாதம் நடைபெற்ற இப்போராட்டத்தின்போது ஏற்பட்ட துயரச் சம்பவங்களில் உயிரிழந்த 13 நபர்களின் குடும்பங்களுக்கும், கொடுங்காயமடைந்த 40 நபர்களுக்கும் ஏற்கனவே நிவாரணத் தொகை வழங்கப்பட்டிருந்த நிலையில், பாதிக்கப்பட்டோரின் தொடர் கோரிக்கையை ஏற்று மாண்புமிகு தமிழ்நாடு முதலமைச்சர் அவர்கள் கூடுதல் நிவாரணம் வழங்க ஆணையிட்டுள்ளார்.

நீதியரசர் அருணா ஜெகதீசன் ஆணையத்தின் பரிந்துரைகளை முழுமையாகக் கனிவுடன் பரிசீலித்த அரசு, உயிரிழந்தவர்களின் குடும்பங்களுக்கு ஏற்கெனவே வழங்கப்பட்ட ரூ.25 லட்சத்துடன் சேர்த்து மொத்தம் ரூ.50 லட்சம் வழங்கும் வகையில் மீதமுள்ள தலா ரூ.25 லட்சமும், காயமடைந்த 40 நபர்களுக்கு ஏற்கெனவே வழங்கப்பட்ட ரூ.5 லட்சத்துடன் சேர்த்து மொத்தம் ரூ.10 லட்சம் வழங்கும் வகையில் மீதமுள்ள தலா ரூ.5 லட்சமும் வழங்க உத்தரவிட்டுள்ளது. இதன்மூலம் பாதிக்கப்பட்ட குடும்பங்களுக்குக் கூடுதல் நிவாரணமாக ஒட்டுமொத்தமாக ரூ.5.25 கோடி விடுவிக்கப்படவுள்ளது.

பாதிக்கப்பட்ட மக்களின் கோரிக்கைகளுக்குச் செவிசாய்த்து அரசு எடுத்துள்ள இந்தத் தார்மீக மற்றும் மனிதாபிமான அடிப்படையிலான நடவடிக்கை, அப்பகுதி மக்களிடையே வரவேற்பைப் பெற்றுள்ளதுடன், துயரத்தில் வாடும் குடும்பத்தினருக்கு ஓரளவு பொருளாதாரப் பாதுகாப்பையும் ஆறுதலையும் வழங்கும் என்று எதிர்பார்க்கப்படுகிறது.