நடிகரும், இயக்குனருமான மாரிமுத்து எதிர்நீச்சல் தொடரில் நடித்ததன் மூலம் பிரபலமானார். இவர் கடந்த செப்டம்பர் மாதம் 8- ஆம் தேதி டப்பிங் பேசிக் கொண்டிருந்தபோது மாரடைப்பால் உயிரிழந்தார். அவரது இறப்பு திரை உலகினரை அதிர்ச்சியில் ஆழ்த்தியது. மாரிமுத்துவின் உடல் சொந்த ஊரான தேனிக்கு கொண்டு செல்லப்பட்டு அடக்கம் செய்யப்பட்டது.
சமீபத்தில் மாரிமுத்துவின் மகனும் மகளும் ஒரு பேட்டி அளித்திருந்தனர். அதில் மாரிமுத்துவின் மகள் கூறியதாவது, முதலில் அப்பாவை ஹாஸ்பிடல்ல போய் பார்க்கும்போது எனக்கு அழுக வரல. அப்போ என்ன செய்றதுன்னே தெரியல. ஒரு கட்டத்தில் நம்ம என்ன செய்யப் போறோம். இதுக்கு அப்புறம் அம்மாவை எப்படி பார்த்துக்க போறோம் அப்படின்னு மட்டும் தான் தோணுச்சு.
வெளியில பாக்கத்தான் அண்ணா ஸ்ட்ராங்கா இருப்பாரு. மத்தபடி ரொம்ப எமோஷனல். அப்பா இருந்தா அம்மாவை எப்படி பார்த்துப்பாரோ அதைவிட கொஞ்சம் அதிகமா அம்மாவை நல்ல பாத்துக்கணும். ரொம்ப முக்கியமா அப்பாக்கு நாங்க அழுவுறது பிடிக்காது. நாங்க எந்த சூழ்நிலையும் அழுக கூடாது. உடைந்து உட்கார கூடாதுங்கறதுல ரொம்ப கவனமா இருப்பாரு. அதுக்காகவே இதிலிருந்து எப்படி வெளிய வரணும்னு தான் நினைக்கிறோம் என உருக்கமாக பேசியுள்ளார்.