CINEMA
ரீரிலீஸிலும் விஜய்க்கு போட்டியாக களமிறங்கும் அஜித்! மே 1 ஆம் தேதி அந்த வேற லெவல் தல படம் மறுபடியும் இறங்கப்போகுது?
கடந்த 2004 ஆம் ஆண்டு விஜய் நடிப்பில் மாஸ் ஹிட் அடித்த “கில்லி” திரைப்படம் கடந்த 20 ஆம் தேதி ரீரிலீஸ் செய்யப்பட்டது. இத்திரைப்படம் வெளியாகி 20 ஆண்டுகளுக்கு மேல் ஆகியிருந்தாலும் ரசிகர்கள் பலரும் “கில்லி” ரீரிலீஸிற்கு மிகப்பெரிய வரவேற்பை அளித்துள்ளனர்.
திரையரங்கு உரிமையாளர்களே மிரண்டு போகும் அளவுக்கு ஹவுஸ்ஃபுல் காட்சிகளால் “கில்லி” ரீரிலீஸ் நிரம்பி வழிகிறது. இத்திரைப்படம் முதன்முதலில் திரையரங்குளில் வெளியானபோது பார்க்க தவறிய 2K கிட்ஸ்கள் இந்த ரீரிலிஸிற்கு படையோடு கிளம்புகின்றனர்.
இந்த நிலையில் “கில்லி” ரீரிலீஸிற்குப் போட்டியாக அஜித்குமாரின் மாஸ் ஹிட் திரைப்படம் ஒன்று ரீரிலீஸ் ஆக உள்ளதாம். அதாவது வருகிற மே 1 ஆம் தேதி அஜித்குமாரின் பிறந்தநாளை முன்னிட்டு “மங்காத்தா” திரைப்படம் ரீரிலீஸ் செய்யப்பட உள்ளதாக செய்திகள் வெளிவருகின்றன.
“மங்காத்தா” திரைப்படம் அஜித்குமாரின் 50 ஆவது திரைப்படமாகும். இத்திரைப்படம் 2011 ஆம் ஆண்டு வெளிவந்து மாஸ் ஹிட் அடித்தது. இத்திரைப்படத்தை வெங்கட் பிரபு இயக்கியிருந்தார்.
அஜித்குமார் நெகட்டிவ் கதாபாத்திரத்தில் நடித்த இத்திரைப்படம் ரசிகர்கள் மத்தியில் மிகப் பெரிய வரவேற்பை பெற்றது. “மங்காத்தா” திரைப்படத்தின் இரண்டாம் பாகத்திற்கு ரசிகர்கள் ஆவலோடு எதிர்பார்த்துக் காத்துக்கொண்டிருக்கின்றனர். ஆனால் “மங்காத்தா 2” குறித்து எந்த வித தகவலும் வெளிவரவில்லை. இந்த நிலையில் “மங்காத்தா” திரைப்படம் ரீரிலீஸ் செய்யப்பட உள்ளது அஜித் ரசிகர்களை உற்சாகத்தில் ஆழ்த்தியுள்ளது.
