ஆந்திராவில் மனைவியின் ஸ்வட்டர் லேசை கொண்டு கழுத்தை நெரித்து கணவன் கொலை செய்த சம்பவம் அதிர்ச்சியை ஏற்படுத்தியுள்ளது. ஆந்திர மாநிலம் பாபட்லா மாவட்டத்தில் உள்ள சாந்தமகுளூர் மண்டலம் அருகே உள்ள கிராமத்தை சேர்ந்த வெங்கடேஷ்வர்லுவும், பல்நாடு மாவட்டம் மச்ச வரத்தை சேர்ந்த மகாலட்சுமி என்பவரும் காதலித்து திருமணம் செய்து கொண்டனர். இந்த தம்பதிகளுக்கு இரண்டு குழந்தைகள் உள்ள நிலையில் சில காலமாக வெங்கடேஷ் மனைவி மீது சந்தேகத்தால் அடிக்கடி சண்டை இட்டு வந்துள்ளார்.
இதனால் கருத்து வேறுபாடு காரணமாக மகாலட்சுமி தனது தாய் வீட்டிற்கு சென்று பிரிந்து வாழ்ந்து வந்துள்ளார். இந்நிலையில் ஞாயிற்றுக்கிழமை மாலை மச்ச வரம் சென்ற வெங்கடேஷ் மனைவிக்கு தங்க நகை வாங்கி தருவதாக கூறி பைக்கில் கிராமத்தின் புறநகர் பகுதிக்கு அழைத்துச் சென்றுள்ளார். அங்கு அவர் அணிந்திருந்த ஸ்வெட்டரில் இருந்த லேஸை கொண்டு கழுத்தை நெறித்து கொடூரமாக கொலை செய்தார்.
பிறகு மனைவியின் உடலை பைக்கில் காவல் நிலையத்திற்கு எடுத்துச் சென்று போலீசார் முன்பு சரணடைந்தார். போலீசார் உடனடியாக மகாலட்சுமியை அருகில் உள்ள மருத்துவமனையில் அனுமதித்த நிலையில் அங்கு அவரை பரிசோதித்த மருத்துவர்கள் அவர் ஏற்கனவே இறந்து விட்டதாக தெரிவித்தனர். இதனைத் தொடர்ந்து வழக்கு பதிவு செய்த போலீசார் வெங்கடேஷ் கைது செய்து விசாரணை நடத்தி வருகிறார்கள். இந்த சம்பவம் அப்பகுதியில் அதிர்ச்சியையும் பரபரப்பையும் ஏற்படுத்தியுள்ளது.