“பாப்பா கொஞ்சம் நில்லு” கையில் வைத்திருந்த அந்த பொருள்… அடுத்த நொடியே 6 வயது சிறுமிக்கு காத்திருந்த அதிர்ச்சி… கொஞ்சம் கூட மனசாட்சி இல்லையா.? நெஞ்சை உலுக்கும் கொடூரம்…!!

மகாராஷ்டிர மாநிலம் அகில்யநகர் மாவட்டத்தில் உள்ள வட்காவ்ன் பான் கிராமத்தில், பள்ளிச் சிறுமி ஒருவர் மீது நடத்தப்பட்ட ஆசிட் வீச்சு சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது. நேற்று மதியம் பள்ளி முடிந்து தனது சைக்கிளில் வீட்டிற்குத் திரும்பிக் கொண்டிருந்த அந்தச் சிறுமியை, மர்ம நபர் ஒருவர் வழிமறித்துள்ளார். வழி கேட்பது போல பாசாங்கு செய்த அந்த நபர், சிறுமி நின்றவுடன் எதிர்பாராத விதமாக அவர் முகத்தில் ஆசிட் திரவத்தை வீசிவிட்டு அங்கிருந்து தப்பிச் சென்றுள்ளார்.

இந்தக் கொடூரத் தாக்குதலில் சிறுமியின் முகம் கடுமையாகத் தீக்காயமடைந்த நிலையில், வலியால் அலறிய அந்தச் சிறுமி மனதிடத்துடன் மீண்டும் தனது பள்ளியை நோக்கி ஓடியுள்ளார். அங்கு இருந்த ஆசிரியர்கள் சிறுமியின் நிலையைக் கண்டு பதற்றமடையாமல், உடனடியாக முதலுதவி அளித்து அவரை மருத்துவமனையில் அனுமதித்தனர். தற்போது லோனியில் உள்ள அரசு மருத்துவமனையில் சிகிச்சை பெற்று வரும் அந்தச் சிறுமியின் உடல்நிலை சீராக இருப்பதாக மருத்துவர்கள் தெரிவித்துள்ளனர்.

இந்தச் செய்தி காட்டுத்தீயாகப் பரவியதைத் தொடர்ந்து, ஆத்திரமடைந்த கிராம மக்கள் லோனி-சங்கம்னேர் சாலையை மறித்து மறியலில் ஈடுபட்டனர். பிஞ்சுச் சிறுமி மீது இத்தகைய வன்முறையை ஏவிய குற்றவாளியை உடனடியாகக் கைது செய்ய வேண்டும் என்றும், அவருக்குக் கடுமையான தண்டனை வழங்கப்பட வேண்டும் என்றும் கோரி முழக்கமிட்டனர். இந்தத் திடீர் போராட்டத்தால் அந்தப் பகுதியில் போக்குவரத்து பாதிக்கப்பட்டு, பெரும் பதற்றம் நிலவியது.

சம்பவம் குறித்து வழக்குப் பதிவு செய்துள்ள காவல்துறையினர், தப்பியோடிய குற்றவாளியைத் தேடும் பணியைத் தீவிரப்படுத்தியுள்ளனர். வட்காவ்ன் பான் கிராமத்தைச் சுற்றியுள்ள பகுதிகளில் பொருத்தப்பட்டுள்ள சிசிடிவி (CCTV) கேமரா பதிவுகளை ஆய்வு செய்து வரும் போலீசார், விரைவில் குற்றவாளி பிடிபடுவார் என உறுதி அளித்துள்ளனர். பெண் குழந்தைகளின் பாதுகாப்பு குறித்து மீண்டும் ஒருமுறை அச்சத்தை ஏற்படுத்தியுள்ள இந்தச் சம்பவம், அம்மாநில மக்களிடையே பெரும் கொந்தளிப்பை ஏற்படுத்தியுள்ளது.