ஷாக் நியூஸ்…! “அரசியலில் இருந்து விலகுகிறேன்…” லாலு பிரசாத்தின் மகள் அதிரடி அறிவிப்பு…!!

பீகார் மாநிலத்தில் அண்மையில் இரு கட்டங்களாக நடைபெற்ற சட்டமன்றத் தேர்தலின் முடிவுகள் நேற்று அறிவிக்கப்பட்டன. இதில் தேசிய ஜனநாயகக் கூட்டணி (என்.டி.ஏ) மீண்டும் அதிக இடங்களைக் கைப்பற்றி ஆட்சியைத் தக்கவைத்துக் கொண்டது. இத்தேர்தலில் தேஜஸ்வி யாதவ் தலைமையிலான ராஷ்டிரிய ஜனதா தளக் கட்சி (RJD) பின்னடைவைச் சந்தித்தது. இந்தத் தோல்வியைத் தொடர்ந்து, ஆர்.ஜே.டி கட்சியின் நிறுவனரான லாலு பிரசாத் யாதவின் மகள் ரோகிணி ஆச்சார்யா, அரசியலில் இருந்தும், தனது குடும்பத்தில் இருந்தும் விலகுவதாக அதிர்ச்சி அறிவிப்பை வெளியிட்டுள்ளார்.

இதுகுறித்து அவர் தனது எக்ஸ் பக்கத்தில் வெளியிட்ட பதிவில், சஞ்சய் யாதவ் மற்றும் ரமீஸ் ஆகியோர் கேட்டுக்கொண்டதன் பேரிலேயே இந்தப் பிரிவு முடிவை எடுத்ததாகவும், அனைத்துப் பழிச் சொற்களையும் தானே ஏற்றுக்கொள்வதாகவும் குறிப்பிட்டுள்ளார். ஏற்கனவே லாலு பிரசாத் யாதவின் மகனான தேஜ் பிரதாப், கட்சியிலிருந்தும் குடும்பத்திலிருந்தும் விலகித் தனிக் கட்சி நடத்தி வரும் சூழலில், ரோகிணி ஆச்சார்யாவின் இந்தப் பதிவு பீகார் அரசியல் வட்டாரத்தில் பேசுபொருளாகியுள்ளது.