ரயிலில் கழிவறைக்குச் சென்ற 2 பெண்கள்… குடிபோதையில் அட்டூழியம் செய்த நபர்… நொடி பொழுதில் நடந்த பயங்கர சம்பவம்…!

புதுடெல்லியில் இருந்து திருவனந்தபுரம் நோக்கி சென்ற கேரள எக்ஸ்பிரஸ் ரயில் கேரளாவின் வர்கலா ரயில் நிலையத்திற்கு நேற்று இரவு வந்து சேர்ந்த பிறகு இரவு 8.30 மணி அளவில் அங்கிருந்து ரயில் புறப்பட்டது. அப்போது பொதுப்பெட்டியில் ஆளுவா பகுதியில் இரண்டு பெண்கள் ஏரியுள்ளனர். அவர்கள் கழிவறைக்குச் சென்று விட்டு வெளியே வந்த போது சுரேஷ்குமார் என்ற நபர் ரயிலின் கதவு அருகே நின்று கொண்டிருந்தார். திடீரென்று அந்த நபர் இரண்டு பெண்களையும் கடுமையாக தாக்கினார்.

இருவரையும் காலால் உதைத்தும் மிதித்தும் ரயிலில் இருந்து கீழே தள்ளிவிட்டார். அதில் ஒரு பெண் கீழே விழுந்துவிட்ட நிலையில் ரயில் தண்டவாளங்களில் படுகாயங்களுடன் கிடந்தார். மற்றொரு பெண் ரயில் கதவை பிடித்து தொங்கியபடி இருந்தார். உடனே தகவல் அறிந்து சம்பவ இடத்திற்கு விரைந்த போலீசார் சுரேஷை கைது செய்தனர். இந்த சம்பவம் தொடர்பாக போலீசார் விசாரணை நடத்திவரும் நிலையில் இரண்டு பெண்களும் மருத்துவமனையில் சிகிச்சை பெற்று வருகிறார்கள்.