“நான் இன்னும் சாகலப்பா”…. இறுதிச்சடங்கு வீட்டிற்குள் உயிருடன் நுழைந்த நபர்…. சுடுகாட்டில் காத்திருந்த மக்களுக்கு பேரதிர்ச்சி….!

இலங்கையில் போலீசாரால் இறந்துவிட்டதாக அறிவிக்கப்பட்ட நபர் ஒருவர், தனது இறுதிச் சடங்கிற்காக தயார் செய்யப்பட்டிருந்த வீட்டிற்கு உயிருடன் நேரில் வந்த விசித்திரமான சம்பவம் அப்பகுதியில் பெரும் பரபரப்பை ஏற்படுத்தியுள்ளது. சிறைச்சாலையில் தடுப்புக் காவலில் வைக்கப்பட்டிருந்த கோஹோபன்குலமவைச் சேர்ந்த டி. எம். கீர்த்திசேன என்ற நபரே, காவலில் இருந்தபோதே உயிரிழந்துவிட்டதாக போலீசாரால் அவரது உறவினர்களுக்குத் தெரிவிக்கப்பட்டது. இச்செய்தியைக் கேட்ட குடும்பத்தினரும் கிராமமக்களும் உடனடியாக இறுதிச் சடங்கு நடவடிக்கைகளில் இறங்கினர். கிராமம் முழுவதும் இரங்கல் பேனர்கள் தொங்கவிடப்பட்டு, பந்தல்கள் அமைக்கப்பட்டு, தகனக் கிரியைகளுக்கான அனைத்து ஏற்பாடுகளும் தீவிரமாக நடைபெற்று வந்தன.

ஆனால், அனைவரையும் உரையவைக்கும் விதமாக, கீர்த்திசேன திடீரென உயிருடன் நடந்து வந்து தனது சொந்த இறுதி ஊர்வலத்திற்காகச் சமைக்கப்பட்ட வீட்டின் முன்னே நின்றார். இறந்துவிட்டதாகக் கருதப்பட்டவர் கண்ணெதிரே உயிருடன் வந்ததைக் கண்ட கிராமவாசிகள் மற்றும் உறவினர்கள் பேரதிர்ச்சியும் குழப்பமும் அடைந்தனர். இந்த அசாதாரணமான மற்றும் குழப்பம் நிறைந்த சம்பவத்தால் அப்பகுதி முழுவதிலும் பெருமளவிலான அலைகழிப்பும், பரபரப்பும் தொற்றிக்கொண்டதுடன், போலீசாரின் இந்தத் தவறான அறிவிப்பு குறித்து உள்ளூர் மக்கள் பலத்த அதிர்ச்சியை வெளியிட்டுள்ளனர்.