“ஐயோ நான் என்ன செய்வேன்.?” அதிகாலை 4 மணி… AC ரிமோட்டால் ஜப்பானில் தவித்த சுற்றுலா பயணி… கூகுள் ஏஐ உதவியால் நடந்த அதிசயம்…!!

ஜப்பானுக்குச் சுற்றுலா சென்ற அமெரிக்கப் பயணி ஒருவருக்கு நள்ளிரவில் ஏற்பட்ட இக்கட்டான சூழலும், அதை அவர் தொழில்நுட்ப உதவியுடன் எதிர்கொண்ட விதமும் தற்போது இணையத்தில் வைரலாகி வருகிறது. ஜப்பானிய மொழியில் மட்டுமே இருந்த ஹோட்டல் அறையின் ஏசி ரிமோட்டைப் பயன்படுத்த முடியாமல் அவர் திணறிய சம்பவம் பலரையும் கவர்ந்துள்ளது.

நள்ளிரவு 4 மணியளவில் கடுமையான வெப்பத்தால் அந்தப் பயணியின் தூக்கம் கலைந்தது. ஏசியை இயக்க முனைந்தபோது, ரிமோட்டில் இருந்த அனைத்துப் பொத்தான்களும் ஜப்பானிய மொழியில் இருந்ததால், எதை அழுத்துவது என்று தெரியாமல் அவர் குழப்பமடைந்தார். வேர்வையில் நனைந்த நிலையிலும் மனம் தளராத அவர், இந்தப் மொழிப் பிரச்சனையைத் தீர்க்க கூகுளின் ‘நானோ பனானா’ (Nano Banana) என்ற ஏஐ (AI) கருவியைச் சாமர்த்தியமாகப் பயன்படுத்தினார்.

அந்த ஏஐ கருவியின் மூலம் ரிமோட்டில் இருந்த ஜப்பானிய சொற்களை உடனடியாக ஆங்கிலத்திற்கு மொழிபெயர்த்து, ஏசியைச் சரியான வெப்பநிலையில் இயக்கி நிம்மதியாகத் தூங்கினார். இந்தச் சம்பவத்தை அவர் சமூக வலைதளங்களில் பகிர, பலரும் இதை ஒரு சிறந்த ‘டிராவல் ஹேக்’ (Travel Hack) என்று பாராட்டி வருகின்றனர். மொழி தெரியாத நாடுகளுக்குச் செல்லும் பயணிகளுக்குத் தொழில்நுட்பம் எவ்வளவு பெரிய வரப்பிரசாதம் என்பதை இந்தச் சம்பவம் உணர்த்துகிறது.