அமேசான் விற்ற முதல் பொருள் இதுதானா?… 30 ஆண்டுகளுக்கு முன்பே கணித்த ஜெஃப் பெசோஸ்… 1995-ல் நடந்த அந்த ஒரு சம்பவம்… வரலாற்றை மாற்றிய அந்த ஒரு ‘ஆர்டர்’…!!!

1995-ஆம் ஆண்டு ஜெஃப் பெசோஸ் தனது வீட்டின் கார் நிறுத்துமிடத்தில் அமேசான் நிறுவனத்தைத் தொடங்கியபோது, அந்தத் தளம் மூலம் முதன்முதலில் விற்பனையான புத்தகம் எது என்பது இன்று வியப்பிற்குரிய தகவலாக மாறியுள்ளது. அது ஒரு நாவலோ அல்லது பொதுவான வணிகப் புத்தகமோ அல்ல; மாறாக, டக்ளஸ் ஹாஃப்ஸ்டாடர் எழுதிய என்ற ஆய்வுப் புத்தகம் ஆகும்.

இது செயற்கை நுண்ணறிவு குறித்த ஆரம்பக்கால நுணுக்கங்களையும், கணினிகள் எவ்வாறு மனிதர்களைப் போலச் சிந்திக்க முடியும் என்பதையும் விளக்கும் ஒரு தொழில்நுட்ப நூலாகும். அமேசான் இன்று ஒரு பெரும் வணிகப் பேரரசாக வளர்ந்துள்ள நிலையில், அதன் முதல் விற்பனையே எதிர்காலத்தின் ஆணிவேராகத் திகழும் ‘AI’ தொழில்நுட்பத்தைப் பற்றியதாக இருந்தது ஒரு தீர்க்கதரிசனமாகவே பார்க்கப்படுகிறது.

இந்தச் சுவாரசியமான தகவல் குறித்துத் தற்போது தொழில்நுட்ப உலகில் பெரும் விவாதங்கள் எழுந்துள்ளன. எலான் மஸ்க் உள்ளிட்ட உலகப் புகழ்பெற்ற தொழிலதிபர்கள், இது ஒரு மாபெரும் சரித்திரத்தின் தொடக்கம் என்று பாராட்டியுள்ளனர். 30 ஆண்டுகளுக்கு முன்பே இணையத்தில் ஒரு பொருளை வாங்குவது அதிசயம் என்று கருதப்பட்ட காலத்தில், அமேசான் பதிவு செய்த அந்த முதல் ஆர்டர், இன்றைய டிஜிட்டல் புரட்சிக்கு ஒரு முன்னறிவிப்பாக அமைந்தது.

இந்நிலையில் அன்று புத்தகமாக விற்பனையான அதே செயற்கை நுண்ணறிவுத் தொழில்நுட்பம் தான், இன்று அமேசானின் ‘அலெக்சா’ முதல் தானியங்கி விநியோக முறைகள் வரை அந்த நிறுவனத்தின் ஒவ்வொரு வளர்ச்சியிலும் பிரதான இடத்தைப் பிடித்துள்ளது என்பது குறிப்பிடத்தக்கது.