அம்பாசமுத்திரம் சட்டமன்றத் தொகுதியின் அரசியல் களம் கடந்த சில நாட்களாக பெரும் பரபரப்பின் உச்சத்தில் இருந்து வருகிறது. அதிமுகவிலிருந்து விலகி தமிழக வெற்றிக் கழகத்தில் இணைந்த இசக்கி சுப்பையா, தனது எம்.எல்.ஏ பதவியை ராஜினாமா செய்துவிட்டு, தற்போது திடீரென அதைத் திரும்பப் பெற முயல்வது அரசியல் வட்டாரங்களில் புயலைக் கிளப்பியுள்ளது. ராஜினாமா கடிதத்தைக் கொடுத்துவிட்டு, “அதை வாபஸ் வாங்குங்கள், இல்லையெனில் இடைத்தேர்தலை நடத்துங்கள்” என்று அவர் சபாநாயகர் கதவைத் தட்டுவதும் நீதிமன்றப் படிகளேறுவதும், அவரைத் தனது கட்சியில் இணைத்துக் கொண்ட தவெக தலைமைக்கே மிகப்பெரிய தலைவலியை உருவாக்கியுள்ளது.
இசக்கி சுப்பையாவின் இந்த அடுத்தடுத்த அதிரடி மாற்றங்களை தவெக நிர்வாகிகளாலும் தொண்டர்களாலும் ஏற்றுக்கொள்ள முடியவில்லை. தவெகவில் இணைந்த குறுகிய காலத்திலேயே அவருக்கு இரண்டு முக்கிய மாவட்டப் பொறுப்புகள் வழங்கப்பட்ட போதிலும், அவர் கட்சிப் பணிகளில் சுணக்கம் காட்டியதாகக் குற்றச்சாட்டுகள் எழுகின்றன. ஒருபுறம் தவெக தலைமை இடைத்தேர்தலை விரைந்து நடத்தக்கோரி மனு தாக்கல் செய்யும் சூழலில், இவர் தனது ராஜினாமாவை திரும்பப் பெற முயல்வது கட்சிக்கு பெரும் முரணாக அமைந்துள்ளது. இதனால் அவர் மீண்டும் அதிமுகவுடன் ரகசிய உடன்பாட்டில் ஈடுபடுகிறாரோ என்ற சந்தேகமும் தவெக தொண்டர்கள் மத்தியில் கொந்தளிப்பை ஏற்படுத்தியுள்ளது.
மறுபுறம், இசக்கி சுப்பையா தரப்போ தவெகவில் தங்களுக்குப் போதிய அதிகாரம் கிடைக்கவில்லை என்றும், உள்ளூர் நிர்வாகிகள் ஒத்துழைக்காததால் இடைத்தேர்தலில் போட்டியிட்டு வெற்றி பெறுவதே சரியான பாதையாக இருக்கும் என்றும் கருதுகிறது. இதனிடையே, தங்கள் கோட்டையான அம்பாசமுத்திரத்தைக் கைவிடக் கூடாது என்பதில் அதிமுக தலைமை மிகவும் உறுதியாக உள்ளது. இசக்கி சுப்பையாவின் சட்டப்பூர்வ நகர்வுகளை முறியடிக்கவும், இடைத்தேர்தல் அறிவிக்கப்பட்டால் அதை எதிர்கொள்ளவும் எடப்பாடி பழனிசாமி தரப்பு மூத்த நிர்வாகிகள் மூலம் ரகசிய மாஸ்டர் பிளான்களைத் தீட்டி தீவிரமாக களமிறங்கியுள்ளது.
சட்ட விதிகளின்படி, ஒரு எம்.எல்.ஏ தனது கையொப்பமிட்ட ராஜினாமா கடிதத்தை அளித்து சபாநாயகரால் அது ஏற்றுக்கொள்ளப்பட்டால், அதைத் திரும்பப் பெற இயலாது என்பதே நிதர்சனம். சபாநாயகரின் முடிவும் நீதிமன்றத்தின் தீர்ப்புமே இந்த அனைத்துக் குழப்பங்களுக்கும் இறுதிப் புள்ளியாக அமையும். ஏற்கனவே நாம் தமிழர் கட்சியின் சீமான் இந்தத் தொகுதியைக் குறிவைத்து காய்களை நகர்த்தி வரும் நிலையில், இசக்கி சுப்பையாவின் இந்த முரண்பாடான முடிவுகளையும் உள்கட்சிப் பூசல்களையும் தவெக தலைமை எப்படிச் சமாளிக்கப் போகிறது என்பதைப் பொறுத்திருந்தே பார்க்க வேண்டும்.
உத்தரப் பிரதேச மாநிலம் அம்ரோஹா பகுதியில், 50 வயது நபர் ஒருவர் பெண் நாய் ஒன்றிடன் கொடூரமாக நடந்து கொண்ட…
ராஜமந்திரியைச் சேர்ந்த அப்பா ராவும் அவரது குடும்பத்தினரும் காலை நேரத்தில் ஆர்டிசி பேருந்து ஒன்றில் பயணம் செய்துள்ளனர். அதே பேருந்தில்…
கேரளாவில் புலம்பெயர்ந்தோர் குடியிருப்புப் பகுதிகளில் தம்பதியினர் போல் நடித்து கஞ்சா விற்பனையில் ஈடுபட்டு வந்த அசாம் மாநிலத்தைச் சேர்ந்த இளைஞரும்,…
தஞ்சாவூர் மாவட்டத்தின் முக்கிய அரசியல் பிரமுகரான வி. பண்டரிநாதன், திமுகவில் இருந்து விலகி, அக் கட்சியின் பொதுச்செயலாளர் எடப்பாடி கே.…
இசையமைப்பாளர் தேவாவின் குடும்பத்தில் அடுத்தடுத்து நிகழும் உயிரிழப்புகள் திரையுலகினரை பெரும் அதிர்ச்சியிலும் சோகத்திலும் ஆழ்த்தியுள்ளன. தேவாவின் உறவினரான கார்த்திக் சபேஷ்…
தமிழகத்தில் உள்ளாட்சி பிரதிநிதிகளின் பதவிக்காலம் கடந்த 2025 ஜனவரி 5-ஆம் தேதியுடன் நிறைவடைந்தது. அதனைத் தொடர்ந்து, உள்ளாட்சி அமைப்புகளின் நிர்வாகப்…