CINEMA
Leo-வில் விஜய்க்கு டூப் போட்டவர் இவர் தானா..? வெளியான புகைப்படம்.. கையும் களவுமாக மாட்டிய லோகேஷ்…
தமிழ் சினிமாவின் முன்னணி நடிகர்களில் ஒருவராக வலம் வருபவர் நடிகர் விஜய். இயக்குநர் லோகேஷ் கனகராஜ் இயக்கத்தில் தளபதி விஜய் நடித்துள்ள லியோ திரைப்படம் அக்டோபர் 19 ஆம் தேதி உலகம் முழுவதும் வெளியாகி ரசிகர்கள் மத்தியில் நல்ல வரவேற்பையும், வசூலில் சாதனையும் படைத்து வருகிறது.மாஸ்டர் திரைப்படத்திற்கு பிறகு லோகேஷ் கனகராஜ் இயக்கம், தளபதி விஜய்யின் வெறித்தனமான நடிப்பு என அனைத்தும் சேர்ந்து ஒட்டுமொத்த ரசிகர்களையும் கட்டி இழுத்தது.
நடிகர் விஜய்யின் லியோ படத்துக்கு கடைசி வரை ஏகப்பட்ட சர்ச்சைகளும் பிரச்சனைகளும் வெடித்தன. இறுதி வரை படம் சுமூகமாக ரிலீஸ் ஆகுமா? என்கிற சிக்கல் நிலவி வந்தது. ஆனாலும் அனைத்து பிரச்சனைகளையும் அசால்ட்டாக தட்டி விட்டு லியோ தற்பொழுது சாதனை புரிந்து வருகிறது. மேலும் இத்திரைப்படம் ரிலீசான முதல் நாளே உலகளவில் 148.5 கோடி ரூபாயை வசூலித்ததன் மூலமாக தளபதி என்றும் மாஸ் தளபதி தான் என்பதை நிரூபித்தது.
இதைத்தொடர்ந்து லியோ உலக அளவில் ரூ. 600 கோடிக்கும் மேல் வசூலித்து வசூல் சாதனை படைத்தது. இதைத்தொடர்ந்து தற்பொழுது இவர் தளபதி 68 திரைப்படத்தில் நடித்து வருகிறார். லியோ திரைப்படத்தின் பிரமோஷன் நிகழ்ச்சிகளில் கலந்து கொள்ளும்போது இப்படத்தில் தளபதி விஜய் டூப் போடாமல் தான் விஜய் நடித்தார் என லோகேஷ் கனகராஜ் கூறியிருந்தார்.
இந்நிலையில் விஜய்க்கு தொடர்ந்து பல படங்களில் டூப் போட்டு வரும் நபர் ‘லியோ’ படத்தின் படப்பிடிப்பில் லோகேஷ் கனகராஜ் உடன் எடுத்துக்கொண்ட புகைப்படம் தற்போது இணையத்தில் வெளியாகியுள்ளது. பீஸ்ட், வாரிசு என விஜய் நடிக்கும் படங்களில் அவர்தான் டூப் போட்டு உள்ளார் .
லியோவில் விஜய்க்கு டூப் போடவில்லை என்று லோகேஷ் கூறிய பின் விஜய்க்கு டூப் போடும் நபர் படப்பிடிப்பில் என்ன செய்கிறார்? என பலரும் கேள்வி எழுப்பி வருகின்றன.ர் தற்போது இவரின் புகைப்படம் இணையத்தில் வெளியாகி வைரலாகி வருகிறது.
