கனடாவில் இந்திய இளைஞர் ஒருவர் நம் ஊர் பாணியில் தெருத்தெருவாகக் கூவி காய்கறி விற்கும் வீடியோ ஒன்று சமூக வலைதளங்களில் வைரலாகி வருகிறது. இந்தியாவில் பொதுவாகப் பயன்படுத்தப்படும் தள்ளுவண்டியைப் போல, கனடாவின் தெருக்களில் காய்கறிகளை நிரப்பிக்கொண்டு அவர் விற்கும் விதம் அங்கிருக்கும் புலம்பெயர்ந்த இந்தியர்களைக் கவர்ந்துள்ளது. தங்களின் சொந்த ஊர் நினைவுகளை இது நினைவூட்டுவதாகப் பலரும் நெகிழ்ச்சியடைந்துள்ளனர்.
இந்த வீடியோவின் சுவாரசியமான அம்சம் என்னவென்றால், அந்த நபர் காய்கறிகளை விற்கும்போது ஆங்கிலத்தில் இந்திய பாணியில் சத்தமாகக் கூவி விற்கிறார். இன்ஸ்டாகிராமில் பகிரப்பட்ட இந்த வீடியோவின் தலைப்பில், “கனடாவில் காய்கறி விற்கத் தொடங்கிவிட்டோம், இது பஞ்சாப் போல இருக்கிறது” என்று குறிப்பிடப்பட்டுள்ளது. வெளிநாட்டிலும் நம் கலாச்சார பாணியை கைவிடாமல் அவர் செய்யும் இந்த முயற்சி அனைவரையும் திரும்பிப் பார்க்க வைத்துள்ளது.
https://www.instagram.com/reel/DZjrw3qO0Bu/?utm_source=ig_web_button_share_sheet
சமூக வலைதளங்களில் இந்த வீடியோவிற்குப் பயனர்கள் பலவிதமான கருத்துக்களைத் தெரிவித்து வருகின்றனர். “இந்தியர்கள் எங்குச் சென்றாலும் தங்களின் அடையாளத்தையும், பிழைக்கும் திறனையும் மாற்றிக்கொள்ள மாட்டார்கள்” என்று பலரும் அவரைப் பாராட்டி வருகின்றனர். இந்த வீடியோ தங்களுக்கு மிகுந்த மகிழ்ச்சியையும், சொந்த நாட்டின் மீதான ஏக்கம் நிறைந்த நினைவுகளையும் தருவதாகப் பல நெட்டிசன்கள் கருத்துப் பகிர்ந்துள்ளனர்.