நடிகர் சூர்யா நடிப்பில் கடைசியாக வெளியான படம் ரெட்ரோ. இது கடந்த மே மாதம் 1ம் தேதி வெளியானது. அதன்பிறகு சூர்யா படம் எதுவும் வெளியாகவில்லை. இதைத் தொடர்ந்து நடிகர் ஆர்ஜே பாலாஜி இயக்கத்தில் உருவான கருப்பு படத்தில் சூர்யா நடித்திருந்தார். இந்த படம் படப்பிடிப்பு முடிந்து பல நாட்களாகியும் இன்னும் ரிலீஸ் தேதி அறிவிக்கப்படவில்லை. கடந்த தீபாவளிக்கே கருப்பு படம் வெளியாகும் என்று தகவல் வெளியானது. ஆனால் வரவில்லை.
இந்நிலையில் இப்போது வெளியான லேட்டஸ்ட் தகவலின்படி வருகிற மார்ச் 19ம் தேதி இந்த படத்தை ரிலீஸ் செய்ய படக்குழு தரப்பில் திட்டமிடப்பட்டுள்ளது. ஆனால் அதே நாளில் நடிகர் நானி நடித்த ஒரு படமும், நடிகர் யஷ் நடித்த ஒரு படமும் அதே போல் ராம்சரண் நடித்த ஒரு படமும் வெளியாக உள்ளது. அதே நாளில் இந்தி படமும் ஒன்று ரிலீஸ் ஆகும் என்று எதிர்பார்க்கப்படுகிறது. எல்லாமே பான் இந்தியா படங்கள் என்பதால் இடியாப்ப சிக்கல் நிலையில் கருப்பு படக்குழுவினர் உள்ளனர்.