அமெரிக்க youtuber ஒருவர் 8500 டிப்ஸ் வாங்க இந்திய டிரைவர் மறுத்த வீடியோ ஒன்றை இணைத்தில் வெளியிட்ட நிலையில், அது கவனத்தை ஈர்த்து வருகிறது. உலக சுற்றுப்பயணத்தை நேரடியாக ஒளிபரப்பி வரும் அமெரிக்க யூடியுப்பர் ஜெயஸ்ட்ரிஸி தற்போது இந்தியாவில் சுற்றுப்பயணம் மேற்கொண்டுள்ளார். அவருக்கு டிரைவராக இருந்தவரிடம் ஒரு நாளைக்கு டிரைவர் மற்றும் வழிகாட்டி வேலைக்கு கட்டணம் எவ்வளவு என்று கேட்டுள்ளார் .அதற்கு அவர் 1250 என்று சொல்கிறார். பின்பு தான் அவருக்கு சர்ப்ரைஸ் கொடுப்பதாக சொல்லி 8500 ரூபாய் கொடுக்கிறார். ஆனால் அந்தத் தொகையை டிரைவர் வாங்க மறுத்து விடுகிறார்.
பலமுறை வற்புறுத்தியும் அவர் அதை வாங்க மறுத்துவிட்டார். இது மிகப்பெரிய தொகை எனக்கு இவ்வளவு பெரிய தொகை தேவையில்லை என்று நேர்மையுடன் கூறுகிறார். தன்னுடைய நேர்மையால் கவனத்தை ஈர்த்த அந்த டிரைவர் பணத்தை வாங்குவதற்கு மறுத்த வீடியோவை அமெரிக்க யூ டியூபர் இணையத்தில் வெளியிட்டுள்ளார். இந்த வீடியோவை பார்த்து பலரும் அந்த டிரைவருக்கு நேர்மையை பாராட்டி உள்ளார்கள். இந்திய டிரைவரின் நேர்மை மற்றும் பணிவை பாராட்டி கருத்து தெரிவித்து வருகிறார்கள். இப்போது எல்லாம் ஒருவருக்கு பணம் தேவையில்லை என்பதல்ல. ஆனால் அவர் அதை சம்பாதித்ததாக உணரவில்லை. இதனால் அவர் பணத்தை வாங்க மறுக்கிறார் என்று சமூக வலைதளங்களில் பலரும் கருத்துக்களை தெரிவித்து வருகிறார்கள்.