இந்தியன் 2 திரைப்படத்தின் இரண்டாவது நாள் வசூல் தொடர்பான தகவல் வெளியாகி இருக்கின்றது.
தமிழ் சினிமாவில் பிரம்மாண்ட இயக்குனர் என்ற பட்டத்துடன் வலம் வருபவர் இயக்குனர் சங்கர். பிரம்மாண்டத்திற்கு பேர் போன இவரின் இந்தியன் திரைப்படம் மிகப்பெரிய வரவேற்பை கொடுத்தது. இதனால் இப்படத்தின் இரண்டாவது பாகத்தை எடுக்க வேண்டும் என்று முடிவு செய்தார். அதன்படி கடந்த மூன்று வருடங்களுக்கு முன்பு இப்படத்தின் படப்பிடிப்பு தொடங்கப்பட்டது.
தொடக்கம் முதலே பல சர்ச்சைகளை சந்தித்தாலும் ஒரு வழியாக இந்த படம் திரையரங்குகளில் வெளியாகிவிட்டது. உலகநாயகன் கமலஹாசன் தாத்தாவாக இந்த திரைப்படத்தில் மிரட்டி இருக்கின்றார். இப்படத்தில் உலகநாயகன் கமலஹாசன் உடன் இணைந்து ரகுல் ப்ரீத் பிரியா, பிரியா பவானி சங்கர், காஜல் அகர்வால், சித்தார்த், எஸ் ஜே சூர்யா, சமுத்திரகனி உள்ளிட்ட பல பிரபலங்கள் நடித்திருக்கிறார்கள்.
மிகுந்த எதிர்பார்ப்புக்கு மத்தியில் இந்த திரைப்படம் ஜூலை 12ஆம் தேதி திரையரங்குகளில் வெளியானது. கமலஹாசன் மற்றும் சங்கர் கூட்டணியில் உருவான இந்த திரைப்படத்திற்கு மக்கள் மத்தியில் பல எதிர்பார்ப்பு இருந்தது. ஆனால் இந்த திரைப்படத்திற்கு முதல் நாள் முதலே கலவையான விமர்சனங்கள் மட்டுமே கிடைத்து வருகின்றது.
முதல் நாள் 60 கோடிக்கு மேல் வசூல் செய்துள்ளதாக தகவல் வெளியான நிலையில் இரண்டாவது நாள் முடிவில் இந்த திரைப்படத்தின் வசூல் தொடர்பான தகவல் வெளியாகி இருக்கின்றது. அதன்படி இந்தியன் 2 திரைப்படம் இரண்டாவது நாளில் உலக அளவில் 100 கோடிக்கு மேல் வசூல் செய்துள்ளது. தமிழ்நாட்டில் மட்டும் 32 கோடிக்கு மேல் வசூல் செய்து இருப்பதாக தகவல் வெளியாகியிருக்கின்றது.