“என் மாமியார்கிட்டயே வம்பா?”… தட்டிக்கேட்ட வருங்கால மருமகன்… ரத்த வெள்ளத்தில் சாய்ந்த கள்ளக்காதலன்… சென்னையில் பகீர்…!!

சென்னை திரு.வி.க. நகரில் திருமணத்தை மீறிய உறவால் ஏற்பட்ட தகராறில் இளைஞர் ஒருவர் கத்தியால் வெட்டப்பட்ட சம்பவம் அதிர்ச்சியை ஏற்படுத்தியுள்ளது. அப்பகுதியைச் சேர்ந்த விமலா என்ற பெண்ணுக்கும், சேட்டு என்பவருக்கும் கடந்த ஐந்து ஆண்டுகளாக தொடர்பு இருந்துள்ளது. சமீபத்தில் விமலா அவரைப் புறக்கணித்துப் பேசாமல் தவிர்த்து வந்ததாகக் கூறப்படுகிறது. இதனால் ஆத்திரமடைந்த சேட்டு, இரவு நேரத்தில் குடிபோதையில் விமலாவின் வீட்டிற்குச் சென்று ரகளையில் ஈடுபட்டுள்ளார். அப்போது அங்கு வந்த விமலாவின் மகளை மணக்கவுள்ள மோனிஷ் என்பவர், சேட்டுவைத் தட்டிக்கேட்டு சமாதானம் செய்ய முயன்றார். இதனால் ஏற்பட்ட வாக்குவாதம் முற்றியதில், சேட்டு தான் மறைத்து வைத்திருந்த கத்தியால் மோனிஷை சரமாரியாக வெட்டிவிட்டு தப்ப முயன்றார்.

படுகாயமடைந்து ரத்த வெள்ளத்தில் சரிந்த மோனிஷை மீட்ட அக்கம்பக்கத்தினர், உடனடியாக கீழ்ப்பாக்கம் அரசு மருத்துவமனையில் தீவிர சிகிச்சைக்காக அனுமதித்தனர். மேலும், அங்கிருந்து தப்பியோட முயன்ற சேட்டுவை மடக்கிப் பிடித்து காவல் நிலையத்திற்குத் தகவல் தெரிவித்தனர். நிகழ்விடத்திற்கு விரைந்து வந்த திரு.வி.க. நகர் போலீசார், சேட்டுவைக் கைது செய்து அவர் மீது வழக்குப்பதிவு செய்தனர். பின்னர் அவரை நீதிமன்றத்தில் ஆஜர்படுத்தி சிறையில் அடைத்தனர். கள்ளக்காதல் விவகாரத்தால் ஏற்பட்ட தகராறில், பெண்ணின் வருங்கால மருமகனே கத்திக்குத்துக்கு ஆளான நிகழ்வு அப்பகுதியில் பெரும் பரபரப்பை உண்டாக்கியுள்ளது.