“விஜய்யின் ஒற்றை முகம் போதும்… பிரதமரே வந்தாலும் அசைக்க முடியாது”…. அதிமுக மாஜி அமைச்சர் இசக்கி சுப்பையா ஓபன் டாக்….!

திருநெல்வேலி மாவட்டம் அம்பாசமுத்திரத்தில் நடைபெற்ற தமிழக வெற்றிக் கழகத்தின் விளம்பரப் பொதுக்கூட்டத்தில், அக்கட்சியின் முக்கிய நிர்வாகியும் முன்னாள் அமைச்சருமான இசக்கி சுப்பையா கலந்துகொண்டு உரையாற்றினார். நிகழ்ச்சியில் பேசிய அவர், தவெக தலைவர் விஜய்யின் அரசியல் தாக்கம் குறித்துப் பெருமிதத்துடன் குறிப்பிட்டதோடு, வரும் அம்பாசமுத்திரம் சட்டமன்றத் தொகுதி இடைத்தேர்தலில் கட்சியின் வியூகம் மற்றும் வெற்றி வாய்ப்புகள் குறித்துத் தனது கருத்துகளைத் விரிவாகப் பதிவுசெய்தார்.

தமது உரையின் போது, விஜய்யைத் தமிழ்நாட்டின் முதல்வர் எனக் குறிப்பிடுவதை விட, அவரே அடுத்த பிரதமர் ஆவதற்கான வாய்ப்புகள் அதிகம் இருப்பதாக இசக்கி சுப்பையா தெரிவித்தார். சமீபத்தில் அசாம் மாநிலத்திற்குச் சென்றபோது கிடைத்த அனுபவத்தைப் பகிர்ந்த அவர், மக்கள் மத்தியில் தவெக தலைவர் விஜய்க்கு நாடு தழுவிய அளவில் ஆதரவும் வரவேற்பும் அதிகரித்து வருவதாகக் கூறினார்.

அதிமுகவிலிருந்து விலகி தவெகவில் இணைந்தது குறித்தும், தமது சட்டமன்ற உறுப்பினர் பதவியை ராஜினாமா செய்தது குறித்தும் அவர் விளக்கம் அளித்தார். அதிமுக மற்றும் திமுக ஆகிய இரு கட்சிகளின் நகர்வுகளுக்கு எதிர்ப்பு தெரிவிக்கும் வகையிலேயே தாம் பதவியை துறந்ததாகக் கூறிய அவர், மக்கள் நலனுக்காகவும் நேர்மையான பொதுச்சேவைக்காகவுமே தமிழக வெற்றிக் கழகத்தின் தலைமையை ஏற்றுப் பணியாற்றி வருவதாகக் குறிப்பிட்டார்.

மேலும், அம்பாசமுத்திரம் தொகுதியில் எப்பேர்ப்பட்ட அரசியல் தலைவர்கள் களமிறங்கினாலும், தவெக தலைவர் விஜய்யின் வருகையும் பிரச்சாரமும் மட்டுமே வெற்றியைத் தீர்மானிக்கும் காரணியாக அமையும் என்று இசக்கி சுப்பையா நம்பிக்கை தெரிவித்தார். கட்சியின் ஒற்றை முகமாக விஜய் விளங்குவது, வரவிருக்கும் தேர்தலில் மிகப்பெரிய தாக்கத்தை ஏற்படுத்தும் என்றும் அவர் சுட்டிக்காட்டினார்.