இந்திய வங்கிப் பணியாளர் தேர்வாணையம், நாடு முழுவதும் உள்ள பொதுத்துறை வங்கிகளில் காலியாக உள்ள 11,403 ‘வாடிக்கையாளர் சேவை உதவியாளர்’ பணியிடங்களை நிரப்புவதற்கான அறிவிப்பை வெளியிட்டுள்ளது. இதில் தமிழ்நாட்டிற்கு மட்டும் 675 இடங்கள் ஒதுக்கப்பட்டுள்ளன. மாத ஊதியமாக ரூ.24,050 முதல் ரூ.64,480 வரை வழங்கப்படும் இப்பணிக்கு, அங்கீகரிக்கப்பட்ட பல்கலைக்கழகத்தில் ஏதேனும் ஒரு பட்டப்படிப்பு முடித்திருப்பது அவசியமாகும். அத்துடன் அடிப்படை கணினி அறிவும், விண்ணப்பிக்கும் மாநிலத்தின் அலுவல் மொழியை நன்கு பேச, எழுத மற்றும் படிக்கத் தெரிந்திருக்க வேண்டும். விண்ணப்பதாரர்களின் வயது 20 முதல் 28-க்குள் இருக்க வேண்டும்; இடஒதுக்கீடு பிரிவினருக்கு அரசு விதிகளின்படி வயது வரம்பில் தளர்வுகள் உண்டு.
இப்பணிகளுக்கான ஆட்கள் முதல்நிலைத் தேர்வு முதன்மைத் தேர்வு என இரண்டு கட்ட கணினி வழித் தேர்வுகள் மூலம் தேர்ந்தெடுக்கப்படுவார்கள். முதல்நிலைத் தேர்வுகள் அக்டோபர் 10 மற்றும் 11 ஆகிய தேதிகளிலும், முதன்மைத் தேர்வு டிசம்பர் 27-ஆம் தேதியும் நடைபெறும். இத்தேர்வில் தவறான பதில்களுக்கு மதிப்பெண் குறைப்பு முறை உள்ளது; நேர்காணல் கிடையாது. தமிழகத்தின் முக்கிய நகரங்களில் தேர்வு மையங்கள் அமைக்கப்பட்டுள்ளன. மேலும், தேர்வர்கள் தங்களது வசதிக்கேற்ப வினாத்தாளை தமிழ், ஆங்கிலம் அல்லது இந்தி மொழிகளில் எதிர்கொள்ளலாம்.
வங்கித்துறையில் நுழைய விரும்பும் தகுதியான இளைஞர்கள், தங்களது விண்ணப்பங்களை www.ibps.in என்ற அதிகாரப்பூர்வ இணையதளத்தின் மூலம் ஆன்லைனில் மட்டுமே சமர்ப்பிக்க வேண்டும். விண்ணப்பக் கட்டணமாக பொது மற்றும் ஓபிசி பிரிவினருக்கு ரூ.850-ம், எஸ்சி/எஸ்டி மற்றும் மாற்றுத்திறனாளிகளுக்கு ரூ.175-ம் நிர்ணயிக்கப்பட்டுள்ளது. விண்ணப்பிக்கக் கடைசி நாள் ஆகஸ்ட் 21, 2026 என அறிவிக்கப்பட்டுள்ளதால், ஆர்வமுள்ள பட்டதாரிகள் இந்த வாய்ப்பினைப் பயன்படுத்தி உடனடியாக விண்ணப்பிக்கலாம்.
ஆன்லைன் திருமண தகவல் மையங்கள் வழியாக நடைபெறும் மோசடிகள் மற்றும் ஏமாற்று வேலைகளைத் தடுக்கும் விதமாக, தமிழ்நாடு அரசு புதிய…
பிளிப்கார்ட் போன்ற முன்னணி இ-காமர்ஸ் நிறுவனத்தில் வாங்கிய உணவுப் பொருட்கள் இதுபோன்று சுகாதாரமற்ற முறையில் விநியோகிக்கப்பட்டது மிகவும் அதிர்ச்சியளிக்கிறது. நிச்சயதார்த்தம்…
பீகார் மாநிலத்தின் ஜமுய் மற்றும் சமஸ்திபூர் மாவட்டங்களில் சமீபத்தில் அரங்கேறிய வன்முறைத் தாக்குதல்கள் பெரும் அதிர்வலைகளை ஏற்படுத்தியுள்ளன. இந்தச் சம்பவங்கள்…
ஒரு இந்து பிராமணப் பெண்ணான அவள், அன்றைய இரவு கடுமையான பசியின் காரணத்தால் ஸொமேட்டோ செயலியைத் திறந்து உணவருந்த முடிவு…
டேராடூன் பகுதியில் அமைந்துள்ள நீதிமன்ற வளாகத்தில் பெரும் அதிர்ச்சிகரமான சம்பவம் ஒன்று நடைபெற்றுள்ளது. நியூ கேன்ட் சாலை, விஜய் காலனியைச்…
வடமேற்கு டெல்லியின் முகர்ஜி நகர் பகுதியில் காரில் பயணித்த ஒரு கும்பலால், டெல்லி பல்கலைக்கழக மாணவி ஒருவர் துன்புறுத்தப்பட்டதாகக் கூறப்பட்ட…