சமூக ஊடகங்களில் பகிரப்பட்டு வைரலாகி வரும் ஒரு நெகிழ்ச்சியான வீடியோவில், பள்ளி மதிய உணவு இடைவேளையின் போது மாணவர்கள் தரையில் அமர்ந்து சாப்பிட்டுக் கொண்டிருக்கிறார்கள். அவர்களுக்கிடையே அமர்ந்திருக்கும் ஒரு சிறுமியும் அவளது தம்பியும் அனைவரது கவனத்தையும் ஈர்க்கிறார்கள். அந்தச் சிறுமி தனது உணவை ஒரு வாய் சாப்பிட்டுவிட்டு, அதே கையால் தனது தம்பிக்கும் மிகுந்த பாசத்துடன் உணவூட்டுகிறாள். தம்பியும் அக்கா கொடுக்கும் உணவை அமைதியாக வாங்கி உண்கிறான். இந்த எளிய மற்றும் அழகான காட்சி பார்ப்போரின் மனதை உருக்கியுள்ளது.
இந்த வீடியோவில் எந்தவிதமான நடிப்போ அல்லது கேமராவிற்கான போலித்தனமோ இல்லாமல், தினசரி பள்ளி வாழ்க்கையின் மிகவும் எதார்த்தமான ஒரு தருணம் பதிவாகியுள்ளது. இரு குழந்தைகளின் முகத்திலும் வழியும் அந்த அப்பாவியான அன்பும், அக்கறையும் பார்ப்போரை நெகிழச் செய்கிறது. இவ்வளவு சிறிய வயதிலேயே தம்பியின் மீது அக்கறை காட்டும் அந்த அக்காவின் குணமும், அவர்கள் இருவருக்கும் இடையிலான உன்னதமான பிணைப்பும் தான் இந்த வீடியோவின் மிகச் சிறந்த பகுதியாகப் பார்க்கப்படுகிறது.
X தளத்தில் கணக்கிலிருந்து பகிரப்பட்ட இந்த வீடியோவை லட்சக்கணக்கானோர் பார்த்து ரசித்துள்ளனர். பலர் தங்களின் சிறுவயது பள்ளி நினைவுகளையும், தங்களுக்காக உணவூட்டிய மற்றும் அக்கறை காட்டிய தங்களது அக்காமார்களையும் கமெண்ட் பகுதியில் நெகிழ்ச்சியுடன் நினைவுகூர்ந்து வருகின்றனர். உண்மையான பாசம் எந்த எதிர்பார்ப்பும் அற்றது என்பதை இந்த எளிய வீடியோ மீண்டும் நிரூபித்துள்ளது.