“புருஷன் நான் இருக்கேன் அவன் உனக்கு வேணாண்டி”… கள்ளக்காதலை கண்டித்த கணவன்… நள்ளிரவில் வீடு புகுந்து காதலன் செய்த கொடூர செயல்…!

திருப்பத்தூர் மாவட்டம் வாணியம்பாடி பகுதியை சேர்ந்த அப்பன் ராஜ் என்பவருடைய மனைவி ஜீவா. இந்த தம்பதிகளுக்கு ஐந்து வயதில் ஒரு மகன் மற்றும் இரண்டு வயதில் ஒரு மகன் என இரண்டு குழந்தைகள் உள்ளனர். இதனிடையே ஜீவா பிரேம் குமார் என்ற வாலிபருடன் திருமணத்தை மீறிய உறவில் இருந்து உள்ளார். இதனை அறிந்த கணவர் அப்புராஜ் ஜீவாவை பலமுறை கண்டித்துள்ளார். இதனால் ஒரு கட்டத்தில் ஜீவா, பிரேம்குமார் உடனான தனது உறவை துண்டித்துள்ளார். இதனால் கடும் கோபத்தில் இருந்த பிரேம் நேற்று நள்ளிரவு ஜீவா தனது கணவன் மற்றும் குழந்தைகளுடன் வீட்டில் உறங்கிக் கொண்டிருந்தபோது வீட்டின் பின்பக்க சுவர் வழியாக ஏறி குதித்து உள்ளே சென்றார்.

அப்போது பிரேம் வீட்டில் உறங்கிக் கொண்டிருந்த ஜீவாவின் கணவரை எழுப்பி வாக்குவாதத்தில் ஈடுபட்டார். ஆனால் ஒரு கட்டத்தில் பிரேம்குமார் அப்புன் ராஜை கத்தியால் சரமாரியாக தாக்கியுள்ளார். இதில் தலை மற்றும் கை உள்ளிட்ட ஐந்து இடங்களில் மோசமான வெட்டுக்காயம் ஏற்பட்டதால் அவர் மருத்துவமனையில் சிகிச்சைக்காக அனுமதிக்கப்பட்டார். இந்த சம்பவத்தை தொடர்ந்து வழக்கு பதிவு செய்த போலீசார் தப்பியோடிய பிரேம் குமாரை தேடி வருகின்றனர். கள்ளக்காதல் விவகாரத்தில் மனைவி மற்றும் பிள்ளைகள் கண்முன்னே கணவன் தாக்கப்பட்ட சம்பவம் அப்பகுதியில் அதிர்ச்சியையும் பரபரப்பையும் ஏற்படுத்தியுள்ளது.