தமிழ் சினிமாவின் போக்கை மாற்றிய ஒரு சில இயக்குனர்களில் பாரதிராஜாவும் ஒருவர். அவர் இயக்கத்தில் வெளியான 16 வயதினிலே திரைப்படம் தமிழ் சினிமாவையே புரட்டி போட்டது. தொடர்ந்து ரத்தமும் சதையுமான கிராமிய மணம் கொண்ட படங்களை கொடுத்து தமிழ் சினிமா ரசிகர்களின் இதயங்களைக் கொள்ளை கொண்டார்.
பாரதிராஜாவால் அறிமுகப்படுத்தப்பட்ட பல நடிகர்கள் தமிழ் சினிமாவில் முன்னணி நடிகர்களாக வலம் வந்தனர். அதனால் ‘கல்லைக் கூட மிகச்சிறப்பாக நடிக்க வைக்கக்கூடியவர் பாரதிராஜா’ என்று அவரைப் பற்றி பெருமையாக சொல்லப்படுவதுண்டு. ஆனால் தன் மகனை அவரால் ஒரு வெற்றிகரமான நடிகராக உருவாக்க முடியவில்லை.
அப்பாவைப் போலவே இயக்குனர் ஆக்கவேண்டும் என்ற ஆசையில் இருந்த மகன் மனோஜைக் கட்டாயப்படுத்தி நடிகராக்கினார். அவரை பிரம்மாண்டமாக தாஜ்மஹால் படத்தின் மூலம் அறிமுகப்படுத்தினார். ஆனாலும் அந்த படம் ப்ளாப் ஆனது. மனோஜால் நடிகராக பெரியளவில் சாதிக்க முடியாமலேயே போனது. அதே போல இயக்குனராக வேண்டும் என்ற அவரது ஆசை சமீபத்தில் நிறைவேறினாலும் அவரால் சொல்லிக்கொள்ளும்படி அந்த துறையில் சாதிக்க முடியவில்லை.
இந்நிலையில் இதய அறுவை சிகிச்சை செய்துகொண்ட அவர் உடல்நலக் குறைவு காரணமாக நேற்று முன்தினம் இறந்தார். அவரது உடல் நேற்று அஞ்சலிக்கு வைக்கப்பட்ட நிலையில் அரசியல் தலைவர்கள் மற்றும் திரையுலகப் பிரபலங்கள் வந்து அஞ்சலி செலுத்தினர். அதையடுத்து நேற்று மாலை அவரது உடல் பெசண்ட் நகர் மின் மயானத்தில் தகனம் செய்யப்பட்டது.
இந்நிலையில் பாரதிராஜாவை அவர் வீட்டுக்கு சென்று சந்தித்த இசையமைப்பாளரும் பாடகருமான கங்கை அமரன் மகனை இழந்திருக்கும் அவரை தேற்றும் விதமாக பாடல் பாடியுள்ளார். பாரதிராஜா திரைக்கதையில் உருவான ‘கல்லுக்குள் ஈரம்’ படத்தில் இடம்பெற்ற ‘சிறு பொன்மனி அசையும் அதில் தெறிக்கும் இசையில்’ என்ற பாடலை பாடிக்காட்டி, பாடல் உருவான சூழல் குறித்தெல்லாம் பேசி பாரதிராஜாவை இயல்பு நிலைக்கு அழைத்து வர முயன்றுள்ளார். இந்த வீடியோ இணையத்தில் பரவி ரசிகர்களை நெகிழ்ச்சியடையச் செய்துள்ளது.
புளோரிடாவின் ஜாக்சன்வில்லில் சாலையோரம் தண்ணீர் விற்றுக் கொண்டிருந்த ஒன்பது வயதுச் சிறுவன், அடையாளம் தெரியாத நபரால் திடீரெனக் காரில் கடத்தப்பட்டான்.…
இங்கிலாந்தின் கேம்பிரிட்ஜ்ஷயர் உயிரியல் பூங்காவில் குடும்பத்தினருடன் சென்றிருந்த மூன்று வயது சிறுவனை, கற்றல் குறைபாடு கொண்ட ஒரு நபர் திடீரென…
பிக்பாஸ் புகழ் ஜூலி தனது கர்ப்ப காலம் குறித்து சமூக வலைதளங்களில் வக்கிரமான முறையில் விமர்சனம் செய்பவர்களுக்கு எதிராக இன்ஸ்டாகிராம்…
தெலங்கானாவின் மஹபூப்நகர் மாவட்டம், ஜட்செர்லா மண்டலத்துக்கு உட்பட்ட உத்தண்டாபூர் கிராமத்தில் நீர்த்தேக்கத் திட்டத்திற்காக நரசிம்ஹுலு என்ற விவசாயியின் 1.28 ஏக்கர்…
தூத்துக்குடி மாவட்டம் ஸ்ரீவைகுண்டம் அருகே உள்ள ஸ்ரீ மூலக்கரை மேலூரைச் சேர்ந்தவர் ரமேஷ். ரேடியோ செட் வாடகைக்கு விடும் தொழில்…
மகாராஷ்டிர மாநிலம் சத்ரபதி சம்பாஜிநகர் நகரின் பஜ்ரங் சௌக் பகுதியில், பட்டப்பகலில் நடுரோட்டில் வைத்து 35 வயது இளைஞர் அடித்து…