“பெண்களே உஷார்!.. இளம் பெண்களை பகடைக்காயாக மாற்றிய கும்பல்… நாட்டை உலுக்கிய கொடூர சம்பவம்”…!

வேலை தேடும் இளம்பெண்களைக் குறிவைத்து, அவர்களுக்கு ஆசைவார்த்தை கூறி பாலியல் தொழிலில் ஈடுபடுத்திய ஒரு கும்பலின் அதிர்ச்சி பின்னணி வெளிச்சத்திற்கு வந்துள்ளது. டெல்லி மற்றும் அதன் சுற்றுவட்டாரப் பகுதிகளில் செயல்பட்டு வந்த இந்தக் கும்பல், சமூக வலைதளங்கள் மற்றும் வேலைவாய்ப்பு விளம்பரங்கள் மூலம் வறுமையில் உள்ள பெண்களைத் தொடர்பு கொண்டுள்ளது. அவர்களுக்குப் பாதுகாப்பான வேலை மற்றும் கைநிறையச் சம்பளம் தருவதாகக் கூறி வரவழைத்து, பின்னர் மிரட்டியும் துன்புறுத்தியும் கட்டாயப்படுத்திப் பாலியல் தொழிலில் தள்ளியுள்ளனர். இது தொடர்பாக பாதிக்கப்பட்ட பெண்கள் அளித்த புகாரின் அடிப்படையில் காவல்துறையினர் தீவிர விசாரணை மேற்கொண்டு வருகின்றனர்.

இந்த விவகாரத்தில் தொடர்புடைய சகோதரிகள் உள்ளிட்ட 4 நபர்களைக் காவல்துறையினர் கைது செய்துள்ளதோடு, அவர்களிடமிருந்து சில பெண்களையும் மீட்டுள்ளனர். மீட்கப்பட்ட பெண்கள் காப்பகங்களில் ஒப்படைக்கப்பட்டு அவர்களுக்குத் தேவையான ஆலோசனைகள் வழங்கப்பட்டு வருகின்றன. வெளிநாடுகள் மற்றும் பிற மாநிலங்களில் வேலை வாங்கித் தருவதாகக் கூறும் மர்ம நபர்களை நம்பி பெண்கள் ஏமாற வேண்டாம் என்றும், வேலைவாய்ப்பு நிறுவனங்களின் நம்பகத்தன்மையை உறுதி செய்த பின்னரே முடிவெடுக்க வேண்டும் என்றும் காவல்துறையினர் எச்சரித்துள்ளனர். இச்சம்பவம் வேலை தேடும் பெண்களிடையே பெரும் அச்சத்தையும் பரபரப்பையும் ஏற்படுத்தியுள்ளது.