சுயதொழில் தொடங்கி முன்னேறத் துடிக்கும் இளைஞர்கள் மற்றும் பெண்களுக்காக, திருப்பூர் கனரா வங்கி 12 நாட்கள் இலவசமாக துரித உணவு மற்றும் கேக் தயாரிப்பு பயிற்சியை வழங்குகிறது. 18 முதல் 45 வயதுக்கு உட்பட்ட, எழுதப் படிக்கத் தெரிந்த எவரும் இந்த அரிய வாய்ப்பைப் பயன்படுத்திக் கொள்ளலாம்.
பயிற்சியின் போது தங்குமிடம் மற்றும் உணவு முற்றிலும் இலவசமாக வழங்கப்படுவதுடன், பயிற்சியை முடிப்பவர்களுக்கு அரசு அங்கீகாரம் பெற்ற சான்றிதழும் வழங்கப்படும். இது எதிர்காலத்தில் தொழில் தொடங்க வங்கி கடன் பெற பேருதவியாக இருக்கும். இந்த சிறப்புப் பயிற்சியில் சேர விரும்புவோருக்கான நேர்காணல் ஜனவரி 7-ம் தேதி, திருப்பூர் காங்கயம் ரோட்டில் உள்ள கனரா வங்கி பயிற்சி மையத்தில் நடைபெறுகிறது.
முறையாக இக்கலையைக் கற்றுக்கொண்டால், வீட்டிலிருந்தே சிறிய அளவில் பேக்கரி அல்லது உணவகம் தொடங்கி மாதம் 50 ஆயிரம் ரூபாய் வரை வருமானம் ஈட்ட முடியும். ஆர்வமுள்ளவர்கள் 9489043923 அல்லது 9080442586 ஆகிய எண்களைத் தொடர்பு கொண்டு கூடுதல் விவரங்களைப் பெற்று, தங்கள் வாழ்வாதாரத்தை உயர்த்திக் கொள்ளலாம்.