“அதிமுகவிற்கு அடுத்த ஷாக்”… தவெக-விற்கு தாவிய கந்தர்வகோட்டை மாஜி எம்.எல்.ஏ… இபிஎஸ்-க்கு விழுந்த பலத்த அடி….!

அதிமுகவில் ஏற்பட்டுள்ள உட்கட்சிப் பூசல் மற்றும் தலைமை மீதான அதிருப்தி காரணமாக அக்கட்சியினர் மாற்று முகாம்களை நோக்கி நகர்ந்து வரும் நிலையில், கந்தர்வகோட்டை முன்னாள் அதிமுக சட்டமன்ற உறுப்பினர் நார்த்தாமலை ஆறுமுகம் தமிழக வெற்றிக் கழகத்தில் (தவெக) இணைந்துள்ளார். தவெகவின் சட்டமன்ற உறுப்பினர் சுப்பிரமணி முன்னிலையில் இந்த இணைவு நிகழ்வு நடைபெற்றுள்ளது.

கடந்த தேர்தலுக்குப் பிறகு அதிமுகவில் ஏற்பட்டுள்ள தொடர் பிளவுகள் மற்றும் அரசியல் குழப்பங்களால் அதிருப்தியடைந்த அக்கட்சியின் நிர்வாகிகள் பலர், சமீபகாலமாக தவெக மற்றும் திமுக ஆகிய கட்சிகளில் ஐக்கியமாகி வருகின்றனர். இந்த அரசியல் சூழலுக்கு வலுசேர்க்கும் விதமாக, அதிமுகவிலிருந்து மேலும் பல முக்கிய நிர்வாகிகள் விரைவில் தமிழக வெற்றிக் கழகத்தில் இணைய வாய்ப்புள்ளதாக முன்னாள் அமைச்சர் வெல்லமண்டி நடராஜன் அண்மையில் குறிப்பிட்டிருந்ததும் இங்கு கூர்ந்து கவனிக்கத்தக்கது.