“என்னை மன்னித்து விடுங்கள் அப்பா…” மருத்துவ மாணவனின் இறுதி கடிதம்…. அதிர்ச்சி சம்பவம்….!!!

சதீஷ்கர் மாநிலத்தில் உள்ள அரசு மருத்துவக் கல்லூரியில் ஹிமான்ஷு காஷ்யப் (24) மாணவன் முதலாம் ஆண்டு M.B.B.S படித்து வந்தார். அவர் தன் கல்லூரி விடுதியில் தங்கி படித்து வந்தார். தற்பொழுது தேர்வுகள் நடைபெற்று வரும் நிலையில், வகுப்பறைக்கு வராத காரணத்தால், நண்பர்கள் விடுதிக்குச் சென்று பார்த்தனர். அப்பொழுது ஹிமான்ஷு காஷ்யப்பின் கதவு உள்பக்கமாக பூட்டி இருந்தது. நீண்ட நேரமாக கதவை தட்டியும் திறக்கவில்லை, என்றவுடன் அனைவரும் சேர்ந்து கதவை உடைத்து உள்ளே சென்று பார்த்த பொழுது, ஹிமான்ஷு தூக்கிட்டு தற்கொலை செய்து கொண்டது தெரிய வந்தது.

தகவல் அறியும் போலீசார் சம்பவ இடத்திற்கு விரைந்து வந்து, ஹிமான்ஷுவின் உடலை கைப்பற்றி பிரேத பரிசோதனைக்காக அனுப்பிவைத்தனர். மேலும் அவர் அறையை சோதித்த பொழுது, ஹிமான்ஷு அவர் தந்தைக்கு எழுதிய கடிதம் ஒன்று சிக்கியது. அதில் “என்னால் இதை செய்ய முடியவில்லை, என்னை மன்னித்து விடுங்கள் அப்பா” என்று எழுதியிருந்தார். தேர்வு பயத்தால் மாணவர் தற்கொலை செய்து கொண்டாரா? இல்லை வேறு ஏதாவது காரணம் இருக்கிறது? என்று போலீசார் பல கோணத்தில் விசாரித்து வருகின்றனர்.