நடிகர் விக்ரம் தனது இன்ஸ்டாகிராம் பக்கத்தில் அரியவகை குரங்கான ‘லார் கிப்பான்’ உடன் விளையாடும் வீடியோ ஒன்றை வெளியிட்டு, சர்ச்சை எழுந்ததும் பின்னர் அதனை நீக்கினார். தென்கிழக்கு ஆசியாவைச் சேர்ந்த இந்த குரங்கு இனம் அழிவின் விளிம்பில் உள்ள பாதுகாக்கப்பட்ட விலங்காகும். உரிய அனுமதியின்றி இதனை வளர்ப்பது சட்டவிரோதம் என்ற நிலையில், இந்த வீடியோ வைரலானதால் வனத்துறையினர் விசாரணையைத் தொடங்கினர். இந்த குரங்கு சென்னை ஈஞ்சம்பாக்கத்தில் உள்ள விக்ரமின் சம்பந்தியான ரங்கநாதன் என்பவரின் பண்ணை வீட்டில் சட்டவிரோதமாக வளர்க்கப்பட்டு வருவதும், விக்ரம் அங்கு சென்றபோது இந்த வீடியோ எடுக்கப்பட்டதும் வனத்துறையினரின் முதற்கட்ட விசாரணையில் தெரியவந்தது.
இந்த விவகாரத்தின் பின்னணியை அதிகாரிகள் விசாரித்தபோது, ஈரோடு மாவட்டம் பெருந்துறையைச் சேர்ந்த தொழிலதிபர் கேசவநாதன் என்பவரிடமிருந்து இந்த குரங்கு விக்ரமின் உறவினர் வீட்டிற்கு விற்பனை செய்யப்பட்டது கண்டுபிடிக்கப்பட்டது. கடந்த 2020-ஆம் ஆண்டு மலேசியாவிலிருந்து மணிப்பூரைச் சேர்ந்த ஒருவர் மூலமாக இந்தியாவிற்கு கொண்டுவரப்பட்ட இந்த அரியவகை குரங்குகள், தத்தெடுப்பு முறையில் கேசவநாதனை வந்தடைந்துள்ளன. பின்னர், எவ்வித வனத்துறை அனுமதியோ உரிய ஆவணங்களோ இன்றி கடந்த ஆகஸ்ட் மாதம் இரண்டு கிப்பான் குரங்குகளை அவர் சென்னைக்கு விற்பனை செய்துள்ளார் என்பது அம்பலமானது.
இதனைத் தொடர்ந்து கேசவநாதன் மீது வனத்துறையினர் வழக்குப் பதிவு செய்தனர். அவர் விசாரணைக்கு சரியாக ஒத்துழைக்காத காரணத்தால், ஈரோட்டில் உள்ள அவரது பண்ணையில் அதிரடி சோதனை நடத்தப்பட்டு, அங்கு வளர்க்கப்பட்டு வந்த லார் கிப்பான் குரங்குகள், செர்வால் பூனைகள் மற்றும் அடற்சுருட்டை வால் குரங்குகள் உள்ளிட்ட பல அரியவகை வெளிநாட்டு விலங்குகளை வனத்துறையினர் பறிமுதல் செய்தனர். பறிமுதல் செய்யப்பட்ட விலங்குகள் வண்டலூர் பூங்காவிற்கு அனுப்பி வைக்கப்படும் எனத் தெரிவிக்கப்பட்டுள்ளது. இதற்கிடையே, கைது நடவடிக்கையைத் தவிர்க்க ஈரோடு நீதிமன்றத்தில் கேசவநாதன் முன்ஜாமீன் பெற்றுள்ளார். அதேசமயம், நடிகர் விக்ரமிடம் நடத்தப்பட்ட விசாரணை மற்றும் அவருக்கு அளிக்கப்பட்ட நோட்டீஸ் குறித்த அடுத்தகட்ட தகவல்கள் எதுவும் இதுவரை வெளியாகவில்லை.
கோலாப்பூர் – இச்சல்கரஞ்சி-கப்னூர் வழித்தடத்தில் உள்ள கப்னூர் சௌக் பகுதியில் அதிவேகமாக வந்த டாடா பஞ்ச் கார், முன்னால் சென்று…
உணவகத்தின் கலகலப்பான சத்தங்களுக்கு நடுவே, மேஜையின் நடுவில் வைக்கப்பட்டிருந்த ஹாட் பாட் பாத்திரம் மெல்லிய புகையுடன் கொதித்துக் கொண்டிருந்தது. தட்டிலிருந்த…
தலைநகர் டெல்லி மயூர் விஹார் பகுதியில் உள்ள தனியார் பள்ளியில் 3-ஆம் வகுப்பு படித்து வந்த 9 வயது சிறுமி…
கேரளாவில் வெளிநாட்டிலிருந்து சட்டவிரோதமாகக் கடத்தி வரப்பட்ட பல லட்சம் ரூபாய் மதிப்புள்ள தங்கத்தைக் கவர்ந்து செல்ல, பெண் ஒருவர் திரைப்பட…
உத்தரப் பிரதேச மாநிலம் புதௌன் மாவட்டத்தைச் சேர்ந்த கருலியா கிராமத்தைச் சேர்ந்தவர் ஏக்தா. ஏழு மாதக் கர்ப்பிணியாக இருந்த இவருக்குச்…
உத்தரப் பிரதேச மாநிலத்தில் 11-ஆம் வகுப்பு படித்துக் கொண்டிருந்த போதே காதலிப்பதாகக் கூறி, 10 ஆண்டுகள் அத்துமீறலில் ஈடுபட்டு ஏமாற்றிய…