“அக்கா… ஓலாவைப் பார்த்துக்கோங்க… என்கிட்ட இந்த 50,000 ரூபாய் மட்டும்தான் இருக்கு… நெட்டிசன்களை உருக வைத்த சிறுவனின் லெட்டர்…!”

கேரளாவின் மலப்புறம் மாவட்டத்தைச் சேர்ந்த நடுநிலைப் பள்ளி மாணவன் ஒருவன், தான் உயிருக்கு உயிராக நேசித்த ‘ஓலா’ என்ற பூனையைத் தன் தாயார் புதிய வீட்டிற்கு அழைத்துச் செல்ல அனுமதிக்காததால், வேறு வழியின்றித் தன் அண்டை வீட்டில் உள்ள அக்காவிடம் விட்டுச் சென்றுள்ளான். பூனையைப் பராமரிப்பதற்காகத் தான் சேமித்து வைத்திருந்த 50,000 ரூபாய் பணத்தையும், மனதை உருக்கும் வகையிலான ஒரு கடிதத்தையும் அந்தப் பூனையுடன் சேர்த்து வைத்துள்ளான்.

அந்தக் கடிதத்தில், “அஸ்ஸலாமு அலைக்கும் அக்கா. இந்தப் பூனையின் பெயர் ஓலா. நான் இப்படிச் செய்வது தவறு என்று எனக்குத் தெரியும் அக்கா, ஆனால் எனக்கு வேறு வழியில்லை. உங்களைத் தவிர வேறு யாரிடமாவது என் பூனையை விட்டுச் செல்ல வேண்டியிருக்கிறது அக்கா. நானும் என் குடும்பமும் வீடு மாறுகிறோம் அக்கா, என் அம்மா இந்தப் பூனையை என்னுடன் அழைத்து வர அனுமதிக்க மாட்டார். தயவுசெய்து இதைப் பார்த்துக்கொள்ளுங்கள் அக்கா. என்னிடம் இந்த 50,000 ரூபாய் மட்டுமே உள்ளது அக்கா,” என்று தன் ஏக்கத்தையும் அன்பையும் வெளிப்படுத்தியிருந்தான்.

தன் செல்லப் பிராணியைப் பிரிய மனமில்லாமல், அதைப் பாதுகாப்பாகப் பார்த்துக்கொள்ள வேண்டும் என்ற நோக்கில் சிறுவன் எழுதிய இந்த உணர்ச்சிப்பூர்வமான கடிதமும், அவனது நிதியுதவியும் சமூக வலைதளங்களில் பலரது இதயங்களைத் தொட்டுப் பெரும் நெகிழ்ச்சியை ஏற்படுத்தியுள்ளது.